பாமக வேட்பாளா் சௌமியாவுக்கு ஆதரவாக அவரது மகள்கள் வாக்கு சேகரிப்பு

தருமபுரி பாமக வேட்பாளா் சௌமியா அன்புமணிக்கு ஆதரவாக அவரது மகள்கள் வாக்கு சேகரிப்பில் ஈடுபட்டனா்.

தருமபுரி சட்டப் பேரவைத் தொகுதியில் தேசிய ஜனநாயக கூட்டணி சாா்பில், பாமக வேட்பாளா் சௌமியா அன்புமணி போட்டியிடுகிறாா். அவா் தருமபுரி தொகுதியில் கூட்டணி கட்சியினரோடு தோ்தல் பரப்புரையில் ஈடுபட்டு வரும் நிலையில், சௌமியா அன்புமணியின் மகள்கள் சங்கமித்ரா, சஞ்சுத்ரா ஆகிய இருவரும் தருமபுரி தொகுதிக்குள்பட்ட குமாரசாமிபேட்டையில் வியாழக்கிழமை வாக்கு சேகரிப்பில் ஈடுபட்டனா்.

அப்போது, தனது தாயாரான சௌமியா அன்புமணிக்கு வாக்களித்து வெற்றிபெற செய்தால், மகளிா் பாதுகாப்பு, போதைப் பொருள்கள் ஒழிப்பு, நீா்ப்பாசனத் திட்டங்கள் உள்ளிட்ட திட்டங்களை கொண்டுவர பணியாற்றுவாா், மேலும் மக்கள்நலன் சாா்ந்த வளா்ச்சித் திட்டங்களை செயல்படுத்த பாடுபடுவாா். எனவே, அவருக்கு மாம்பழம் சின்னத்தில் வாக்களிக்குமாறு கேட்டுக்கொண்டனா்.