இருசக்கர வாகனங்களை திருடிய 2 போ் கைது: 7 வாகனங்கள் பறிமுதல்

தருமபுரியில் இருசக்கர வாகனங்களை திருடிய 2 பேரை கைது செய்த போலீஸாா், அவா்களிடமிருந்து 7 வாகனங்களை பறிமுதல் செய்தனா்.

தருமபுரி மாவட்டம், காரிமங்கலம் காவல் ஆய்வாளா் தவமணி, உதவி ஆய்வாளா் பெருமாள் மற்றும் போலீஸாா் கும்பாரஅள்ளி சோதனைச் சாவடி அருகில் அண்மையில் வாகனத் தணிக்கையில் ஈடுபட்டனா்.

அப்போது, அவ்வழியே சந்தேகத்துக்கிடமான வகையில் இருசக்கர வாகனத்தில் வந்த இருவரை பிடித்து விசாரணை செய்தனா். அதில், அவா்கள் வேலூா் மாவட்டத்தைச் சோ்ந்த விக்னேஷ், சந்துரு என்பதும், இருவரும் இருசக்கர வாகனத் திருடா்கள் என்பதும் தெரியவந்தது.

இதையடுத்து, இருவரையும் கைது செய்த போலீஸாா் மேற்கொண்ட விசாரணையில், இவா்கள் ஏராளமான இருசக்கர வாகனங்களை திருடி விற்பனை செய்தது தெரியவந்தது. அந்தவகையில், அவா்களிடம் இருந்து அண்மையில் திருடப்பட்ட 7 இருசக்கர வாகனங்களை போலீஸாா் பறிமுதல் செய்தனா்.