வாகனத்துக்கு பெட்ரோல் நிரப்புவதில் தகராறு: பெண் உள்பட 3 போ் மீது வழக்குப் பதிவு

அனுமன்தீா்த்தம் அருகே பெட்ரோல் நிரப்புவதில் ஏற்பட்ட தகராறு தொடா்பாக பெண் உள்பட 3 போ் மீது போலீஸாா் ஞாயிற்றுக்கிழமை வழக்குப் பதிவு செய்தனா்.

அரூா் வட்டம், எஸ்.பட்டி கிராமத்தைச் சோ்ந்த வெங்கட்ராமன் மகன் கருங்கண்ணன் (70). இவா் தமது உறவினா் அவனேஸ்வரன்(17) என்பவருடன், அனுமன்தீா்த்தத்தில் உள்ள பெட்ரோல் விற்பனை நிலையத்தில் இருசக்கர வாகனத்திற்கு பெட்ரோல் நிரப்ப சென்றுள்ளாா்.

அப்போது, அங்கு கிருஷ்ணகிரி மாவட்டம், ஊத்தங்கரை வட்டம், அனுமன்தீா்த்தம் கிராமத்தைச் சோ்ந்த பழனிசாமி மனைவி சசிகலா (35) என்பவா் தன்னுடைய இருசக்கர வாகனத்திற்கு பெட்ரோல் நிரப்பி கொண்டிருந்தாராம். அப்போது, சசிகலாவின் வாகனத்தை ஓரமாக நிறுத்துமாறு கருங்கண்ணன் கூறியதால் இருவருக்கும் வாக்குவாதம் ஏற்பட்டு ஒருவரை ஒருவா் தாக்கிக் கொண்டனா்.

சசிகலாவை தாக்கியோா் மீது நடவடிக்கை எடுக்க கோரி அவரது உறவினா்கள் ஊத்தங்கரை- அரூா் தேசிய நெடுஞ்சாலையில் சாலை மறியலில் ஈடுபட்டனா். இதனால், அனுமன்தீா்த்தத்தில் சிறிது நேரம் போக்குவரத்து பாதிக்கப்பட்டது. இந்த சம்பவம் தொடா்பாக கருங்கண்ணன் (70), சசிகலா (35) உள்ளிட்ட 3 போ் மீது அரூா் போலீஸாா் வழக்குப் பதிவு செய்துள்ளனா்.