தமிழக அரசின் சாதனைகளை விளக்கி புகைப்படக் கண்காட்சி

தமிழக அரசின் சாதனைகளை விளக்கி,  கிருஷ்ணகிரி மாவட்ட ஆட்சியர் அலுவலக வளாகத்தில் சனிக்கிழமை அமைக்கப்பட்ட புகைப்படக் கண்காட்சியை ஏராளமானோர் பார்வையிட்டனர்.
செய்தி- மக்கள் தொடர்புத் துறையின் சார்பில் அமைக்கப்பட்ட இந்தக் கண்காட்சியை இளைஞர் நலன்- விளையாட்டு மேம்பாட்டுத் துறை அமைச்சர் பா.பாலகிருஷ்ணா ரெட்டி தொடக்கி வைத்து பார்வையிட்டார். 
மாவட்ட வருவாய் அலுவலர் எஸ்.சாந்தி,  மக்களவை உறுப்பினர் கே.அசோக்குமார்,  எம்எல்ஏக்கள் சி.வி.ராஜேந்திரன், மனோரஞ்சிதம் நாகராஜ்,  செய்தி- மக்கள் தொடர்பு அலுவலர் சேகர் உள்ளிட்டோர் பங்கேற்றனர். 
கண்காட்சியில், தமிழக அரசின் நலத்திட்டங்கள்,  முதல்வர் எடப்பாடி கே. பழனிசாமி தொடங்கி வைத்த திட்டங்கள்,  கிருஷ்ணகிரியில் நடைபெற்ற எம்ஜிஆர் நூற்றாண்டு விழா நிகழ்வுகள்,  அரசின் நலத்திட்ட உதவிகள் உள்ளிட்டவை தொடர்பாக 100-க்கும் மேற்பட்ட புகைப்படங்கள் காட்சிக்கு வைக்கப்பட்டிருந்தன.