ஊத்தங்கரை அரசினர் பாலிடெக்னிக் கல்லூரியில் வேலைவாய்ப்பு முகாம்

ஊத்தங்கரையை அடுத்த அப்பிநாய்க்கன்பட்டியில் இயங்கிவரும் அரசு பாலிடெக்னிக் கல்லூரியில் டி.வி.எஸ் நிறுவனத்தால் நடத்திய வேலைவாய்ப்பு முகாமில் மூன்றாம் ஆண்டு படிக்கும் மாணவ -மாணவியர்கள் மற்றும் கடத்தூர் அரசு பாலிடெக்னிக் கல்லூரி மூன்றாமாண்டு மாணவ-மாணவியர்கள் கலந்து கொண்ட சிறப்பு முகாம் செவ்வாய்க்கிழமை நடைபெற்றது.
நிகழ்ச்சிக்கு கல்லூரி முதல்வர் எப்சிபா ஏஞ்சலாதுரைராஜ் தலைமை வகித்தார். இதில் 200 -க்கும் மேற்பட்ட மாணவ-மாணவியர் பங்கேற்றனர். நிகழ்ச்சிக்கான ஏற்பாடுகளை வேலைவாய்ப்பு அலுவலர் பாபுசங்கர் செய்திருந்தார். இதில் டி.வி.எஸ். நிறுவன அலுவலர்கள், கல்லூரிப் பேராசிரியர்கள், மாணவர்கள் திரளாகக் கலந்து கொண்டனர். இறுதியாக நேர்முக உதவியாளர் பி. அருண்குமார் நன்றி கூறினார்.