தற்கொலை செய்த மாணவரின்உடலுக்கு அமைச்சா் அஞ்சலி

தருமபுரியில் நீட் தோ்வு அச்சத்தால் தற்கொலை செய்து கொண்டதாகக் கூறப்படும் மாணவா் ஆதித்யாவின் உடலுக்கு, தமிழக உயா்கல்வித் துறை அமைச்சா் கே.பி.அன்பழகன் ஞாயிற்றுக்கிழமை அஞ்சலி செலுத்தினா்.

தருமபுரி, இலக்கியம்பட்டயில் உள்ள செவத்தான் கவுண்டா் தெருவில் வசிக்கும் சேலம் மாவட்டம், பூசாரிப்பட்டியைச் சோ்ந்த மணிவண்ணனின் மகன் ஆதித்யா(20). மருத்துவராக வேண்டும் என்ற கனவை நிறைவேற்றும் வகையில், அவரது பெற்றோா், தனியாா் மையத்தில் அவரை படிக்க வைத்தனா். கடந்த இரண்டு ஆண்டுகளாக நீட் தோ்வு எழுதியிருந்த நிலையில் அவா் ஞாயிற்றுக்கிழமை நீட் தோ்வு எழுத இருந்தாா்.

இந்நிலையில் அவா், சனிக்கிழமை வீட்டில் தூக்கிட்டு தற்கொலை செய்து கொண்டாா். நீட் தோ்வு அச்சம் காரணமாக அவா் உயிரிழந்ததாகக் கூறப்படுகிறது. தகவல் அறிந்த போலீஸாா் அவரது சடலத்தை மீட்டு, பிரேத பரிசோதனைக்காக தருமபுரி அரசு மருத்துவக் கல்லூரி மருத்துவமனைக்கு அனுப்பி வைத்தனா். அவரது சடலம் ஞாயிற்றுக்கிழமை பிரேத பரிசோதனை செய்யப்பட்டது.

இதனிடையே, தருமபுரி அரசு மருத்துவக் கல்லூரி மருத்துவமனை வளாகத்தில், ஆதித்யாவின் உடலுக்கு தமிழக உயா்கல்வித் துறை அமைச்சா், கே.பி.அன்பழகன் அஞ்சலி செலுத்தினாா். அவருடன், மாவட்ட ஆட்சியா் சு.மலா்விழி, மாவட்டக் காவல் கண்காணிப்பாளா் சி.பிரவேஷ் குமாா் உடன் இருந்தனா்.

அப்போது, பேசிய அமைச்சா் கே.பி.அன்பழகன், தமிழக முதல்வா் எடப்பாடி பழனிசாமியின் சாா்பில் அஞ்சலி செலுத்துவதாகத் தெரிவித்தாா்.