கரோனா காலத்தில் மூடியிருந்த கடைகளுக்கு வாடகை ரத்து செய்ய வேண்டும்

கரோனா காலத்தில் மூடியிருந்த ஒசூா் பேருந்து நிலையக் கடைகளின் 10 மாத வாடகையை ரத்து செய்ய வேண்டும் என வியாபாரிகள் கோரிக்கை விடுத்தனா்.

கரோனா காலத்தில் ஒசூா் பேருந்து நிலையத்தில் மாநகராட்சிக்கு சொந்தமான 10 கடைகள் மூடப்பட்டிருந்தன. இந்நிலையில், நாகா்கோவில் பேருந்து நிலையக் கடைகளுக்கு 9 மாத கடை வாடகையை ரத்து செய்து நீதிமன்றம் உத்தரவிட்டுள்ளதையடுத்து, ஒசூா் மாநகராட்சி பேருந்து நிலையக் கடைகளுக்கான வாடகையையும் ரத்து செய்ய வேண்டும் என ஒசூா் பேருந்து நிலையக் கடை வியாபாரிகள் மாநகர மேயா் எஸ்.ஏ.சத்யா, மாநகராட்சி ஆணையா் கு.பாலசுப்பிரமணியத்திடம் கோரிக்கை விடுத்து மனு அளித்தனா்.