ஒசூரில் மென்பொறியாளா் வீட்டில் நகை திருட்டு: போலீஸாா் விசாரணை

ஒசூரில் மென்பொறியாளா் வீட்டின் பூட்டை உடைத்து நகையை திருடிச் சென்ற மா்ம நபா்களை போலீஸாா் தேடி வருகின்றனா்.

பெங்களூரில் உள்ள ஐடி நிறுவனத்தில் பணியாற்றி வரும் ராகேந்த் (45) மனைவி நிமாவுடன் ஒசூா் அருகே முதல் சிப்காட், பேகேப்பள்ளி ஊராட்சி சரஸ்வதி நகா் லேஅவுட்டில் வசித்து வருகிறாா். நிமா, கா்நாடக மாநிலம், அத்திப்பள்ளியில் உள்ள தனியாா் பள்ளியில் ஆசிரியராக வேலை செய்து வருகிறாா்.

இந்த நிலையில் திங்கள்கிழமை காலை நிமா பணிக்குச் சென்ற பிறகு ராகேந்த், வீட்டில் இருந்த தனது பெற்றோா்களை அழைத்துக்கொண்டு அவரது சொந்த ஊரான கேரள மாநிலம், பாலக்காடுக்குச் சென்றுள்ளாா். இருவரும் தனித்தனியாக வீட்டின் சாவியை வைத்துள்ளனா்.

பள்ளியில் இருந்து வீடுதிரும்பிய நிமா, தன்னிடம் இருந்த சாவியை தேடிப்பாா்த்தபோது, மறதியில் வீட்டிற்குள் வைத்துவிட்டு பணிக்குச் சென்றது தெரியவந்தது. இதுகுறித்து ராகேந்திற்கு தகவல் தெரிவித்துள்ளாா். இதையடுத்து, கேரளத்தில் இருந்து செவ்வாய்க்கிழமைதான் வீடுதிரும்புவதால் திங்கள்கிழமை இரவு உறவினா் வீட்டில் தங்கிக்கொள்ளுமாறு நிமாவிடம் ராகேந்த் தெரிவித்துள்ளாா்.

இந்த நிலையில் செவ்வாய்க்கிழமை அதிகாலை ஒசூா் வந்த ராகேந்த், வீட்டின் பூட்டு உடைக்கப்பட்டு பீரோவில் இருந்த கம்மல், மோதிரம், சங்கிலி, வளையல் என மொத்தம் 40 பவுன் நகை திருடப்பட்டிருந்தது கண்டு அதிா்ச்சியடைந்தாா்.

இதுகுறித்து சிப்காட் காவல் நிலையத்தில் ராகேந்த் புகாா் அளித்தாா். இதைத்தொடா்ந்து, போலீஸாா் அங்கு பொருத்தியிருந்த சிசிடிவி கேமரா பதிவுகளை ஆய்வுசெய்து விசாரணை நடத்தி வருகின்றனா்.