கீழ் வெண்மணி நினைவு தினம் அனுசரிப்பு

எலச்சிபாளையம் ஒன்றியம், சின்ன எலச்சிபாளையத்தில் கீழ்வெண்மணி நிகழ்வின் 50-ஆம் ஆண்டு நினைவுதினம் மார்க்சிஸ்ட் கம்யூனிஸ்ட் கட்சியின் சார்பில் அண்மையில் அனுசரிக்கப்பட்டது.
நாகை மாவட்டம், கீழ்வெண்மணியில் அரைபடி நெல் கூலி உயர்வு கேட்டு போராடிய விவசாய கூலித் தொழிலாளர்களை சாணி பாலும் சவுக்கடியும் கொடுத்து துன்புறுத்தி 1968-ஆம் ஆண்டு டிசம்பர் 25-ஆம் தேதி அன்று ஒரே குடிசையில் 44 நபர்களை அடைத்து தீ வைத்து எரித்துக் கொன்றனர்.
இச்சம்பவத்தின் நினைவு தின நிகழ்ச்சியில் கட்சியின் ஒன்றியக் குழு உறுப்பினர் சோமசுந்தரம் தலைமை வகித்தார். மூத்த தோழர் சுந்தரம் 50-ஆம் ஆண்டு நினைவுதினக் கொடியை ஏற்றி வைத்து தியாகிகள் குறித்துப் பேசி அஞ்சலி செலுத்தினார்.
நினைவுதின கொடியேற்று நிகழ்ச்சியில் ஒன்றியச் செயலாளர் சுரேஷ், ஒன்றியக் குழு உறுப்பினர் ரமேஷ், கிளைச் செயலாளர் ஜெயந்தி நன்றி கூறினார்.