நாமக்கல் கால்நடை மருத்துவக் கல்லூரியில் வெள்ளை அங்கி வழங்கும் விழா

நாமக்கல் கால்நடை மருத்துவக் கல்லூரியில் மாணவர்களுக்கு வெள்ளை அங்கி வழங்கும் விழா செவ்வாய்க்கிழமை நடைபெற்றது.
நாமக்கல் கால்நடை மருத்துவக் கல்லூரியில் பட்டப்படிப்பு படிக்கும் மாணவர்கள், கால்நடைகளுக்கு சிகிச்சையை ஆரம்பிக்கும் போது, அவர்களுக்கு வெள்ளை அங்கி அணிவிப்பது
வழக்கம்.
நிகழாண்டில் வெள்ளை அங்கி அணிவிக்கும் நிகழ்ச்சி நாமக்கல் கால்நடை மருத்துவமனை வளாகத்தில் நடைபெற்றது. கல்லூரி முதல்வர் பி.மோகன் நிகழ்ச்சிக்கு தலைமை வகித்து தொடங்கி வைத்தார். கால்நடை மருத்துவ அறிவியல் பல்கலைக்கழகத்தின் மேலாண்மைக் குழு உறுப்பினர் விஜயன் சிறப்பு விருந்தினராக கலந்துகொண்டு பேசினார். 
தமிழ்நாடு கால்நடை பராமரிப்புத் துறை மண்டல இணை இயக்குநர் பொன்னுவேல், மருத்துவர்கள் பாலசுப்பிரமணியம், செல்வராஜு, பழனிவேல், விஜயகுமார், கதிர்வேல், செல்வராஜு உள்ளிட்டோர் பங்கேற்றனர். பேராசிரியர் இசக்கியல் நெப்போலியன் வரவேற்றார். நான்காம் ஆண்டு மாணவர் விக்னேஸ்வர் நன்றி கூறினார்.