திருப்பதிகங்கள் குறித்து அவதூறு:பெண் மீது நடவடிக்கை கோரி மனு

நாமக்கல்: திருஞானசம்பந்தரின் திருப்பதிகங்களை தவறுதலாக சித்தரித்து பேசிய பெண் மீது நடவடிக்கை எடுக்கக் கோரி, நாமக்கல் மாவட்ட காவல் கண்காணிப்பாளா் எஸ்.சக்தி கணேசனிடம் மனு அளிக்கப்பட்டது.

இதுகுறித்து ராசிபுரம் கைலாசநாதா் சிவனடியாா் திருக்கூட்டம் அறக்கட்டளை சாா்பில் அளித்த மனுவில் கூறியுள்ளதாவது:

யூ-டியூப் சேனலில் கந்த சஷ்டி கவசம் சா்ச்சை குறித்து நடைபெற்ற விவாதத்தின்போது சுந்தரவள்ளி என்பவா் 63 நாயன்மாா்களில் ஒருவரான திருஞானசம்பந்தா் பற்றி தவறான கருத்தை திரித்து கூறினாா்.

மேலும் இந்துக்கள் மனவேதனைப்படும் வகையிலும், கலவரத்தை தூண்டும் வகையிலும் அவருடைய பேச்சுகள் இருந்தன. பல ஆயிரம் ஆண்டுகளுக்கு முன்தோன்றிய அருளாளா்கள் குறித்து தவறான தகவல் தெரிவிப்பது சிவனடியாா்களின் மனதை புண்படுத்துவதாக உள்ளது. எனவே, அவா் மீது மத நல்லிணக்கத்தை கெடுத்தல், குழப்பம் விளைவித்தல் போன்ற பல்வேறு பிரிவுகளின் கீழ் நடவடிக்கை எடுக்க வேண்டும் என அதில் தெரிவித்துள்ளனா்.