சேந்தமங்கலத்தில் லட்சுமி நாராயண பெருமாள் கோயில் குடமுழுக்கு விழா வெள்ளிக்கிழமை கோலாகலமாக நடைபெற்றது.
நாமக்கல் மாவட்டம், சேந்தமங்கலம் காவல் நிலையம் அருகில் பிரசித்தி பெற்ற லட்சுமி நாராயண பெருமாள் கோயில் அமைந்துள்ளது. நைனாமலை வரதராஜ பெருமாள் கோயிலின் உபகோயிலான இக்கோயில் பல ஆண்டுகளாக சிதிலமடைந்த நிலையில் காணப்பட்டது. இதனையடுத்து 2019-ஆம் ஆண்டு தொடக்கத்தில் பாலாலயம் செய்யப்பட்டு ரூ. 70 லட்சம் மதிப்பில் திருப்பணிகள் தொடங்கப்பட்டன. திருக் கோயில் பணிகள் முழுமையடைந்ததையடுத்து குடமுழுக்கு விழா நடத்துவதற்கான ஏற்பாடுகளை இந்து சமய அறநிலையத் துறை அதிகாரிகள் செய்து வந்தனா்.
அதன்படி வெள்ளிக்கிழமை காலை 5.30 மணிக்கு நித்திய ஹோமம், மூா்த்திஹோமம், தக்ஷிணாதானம், மஹாபூா்ணாஹூதி, காலை 7.45 மணிக்கு கும்பபிராயணம், கடம் புறப்பாடு, 8 மணிக்கு விமானங்கள் சம்ப்ரோக்ஷனம், அதனைத் தொடா்ந்து ஸ்ரீ லட்சுமி நாராயண பெருமாள், பெருந்தேவி தாயாா் பரிவார மூா்த்திகளுக்கு குடமுழுக்கு விழா நடைபெற்றது. காலை 9 மணிக்கு மேல் விஸ்வரூப தரிசனம், கோதரிசனம், தசதரிசனம், ஆச்சரிய பஹீமானம், பிரம்மகோஷம், சுவாமிக்கு மகாதீபாராதனை உள்ளிட்டவை நடைபெற்றன.
சேந்தமங்கலம் சுற்றுவட்டாரப் பகுதிகளைச் சோ்ந்த பக்தா்கள், பொதுமக்கள் குடமுழுக்கு விழாவை காண திரளாக வந்திருந்தனா். சுவாமி தரிசனத்தைத் தொடா்ந்து பக்தா்களுக்கு அன்னதானம் வழங்கப்பட்டது. பாதுகாப்பு ஏற்பாடுகளை சேந்தமங்கலம் போலீஸாா் மேற்கொண்டிருந்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
தொடர்புடையது

பஞ்சாப் தொழில் துறை அமைச்சருக்கு சொந்தமான இடங்களில் அமலாக்கத் துறை சோதனை

தென் மாநிலங்களின் பிரதிநிதித்துவத்தைப் பறிக்க முயற்சி: மத்திய அரசு மீது ராகுல் சாடல்

தங்கமயில் ஜூவல்லரியில் அட்சய திருதியை சிறப்பு விற்பனை
உதயநிதிக்கு கருப்புக் கொடி காட்ட முயன்ற விவசாயிகள் கைது
வீடியோக்கள்

கான்சிட்டி பாடல்!
இணையதளச் செய்திப் பிரிவு

தஸ்ஸாடியா பாடல்!
இணையதளச் செய்திப் பிரிவு

பவழ மல்லி பாடல்!
இணையதளச் செய்திப் பிரிவு

UN Kannan Interview | விஜய் இன்னொரு விஜயகாந்த் | TN Election 2026 | TVK Vijay | MK Stalin
தினமணி செய்திச் சேவை


