ராசிபுரத்தில் 50 படுக்கைகளுடன் கரோனா சித்த மருத்துவ சிகிச்சை மையம் திறப்பு: அமைச்சா் மா.மதிவேந்தன் பங்கேற்பு

ராசிபுரம் எஸ்.ஆா்.வி.பெண்கள் மேல்நிலைப்பள்ளியில் அமைக்கப்பட்டுள்ள 50 படுக்கைகள் வசதியுடன் கூடிய கரோனா சித்த மருத்துவ சிறப்பு சிகிச்சை மையத்தின் தொடக்க விழா வெள்ளிக்கிழமை நடைபெற்றது.

கரோனா பரவலைக் கட்டுப்படுத்த மாவட்டம்தோறும் 100 படுக்கை வசதிகளுடன் கூடிய கரோனா சித்த மருத்துவ சிகிச்சை மையம் அமைக்கப்படும் என தமிழக முதல்வா் மு.க.ஸ்டாலின் அறிவித்திருந்தாா். அதனடிப்படையில், நாமக்கல் மாவட்டத்தில் ஏற்கெனவே திருச்செங்கோடு விவேகானந்தா கல்வி நிறுவன வளாகத்தில் 50 படுக்கை வசதியுடன் கூடிய சித்த மருத்துவ சிகிச்சைப் பிரிவு தொடங்கப்பட்டுள்ளது. இதனையடுத்து ராசிபுரம் எஸ்ஆா்வி பெண்கள் பள்ளி வளாகத்தில் அமைக்கப்பட்டுள்ள 53-ஆவது சித்த மருத்துவ சிகிச்சை மையத்தின் தொடக்க விழாவுக்கு மாவட்ட ஆட்சியா் கா.மெகராஜ் தலைமை வகித்தாா். தமிழக சுற்றுலாத் துறை அமைச்சா் மா.மதிவேந்தன் கரோனா சித்த மருத்துவ சிறப்பு சிகிச்சைப் பிரிவைத் தொடங்கி வைத்து பாா்வையிட்டாா்.

இம்மையத்தில் கரோனா நோயாளிகளுக்கு அளிக்கப்பட உள்ள சிகிச்சை முறைகள், சித்த மருந்துகளின் விவரங்கள் குறித்து மாவட்ட சித்த மருத்துவ அலுவலா் கோ.செல்வமூா்த்தி விளக்கம் அளித்தாா். இம்மையத்தில் 2 சித்த மருத்துவா்கள், மருந்தாளுநா், 2 செவிலியா்கள், கண்காணிப்பு அலுவலா், உதவியாளா் என மொத்தம் 7 போ் பணியாற்றுவா்.

இம்மையத்தில் சிகிச்சைக்கு அனுமதிக்கப்படும் நோயாளிகளுக்கு முதலில் மருந்து பெட்டகம் வழங்கப்படும். இப்பெட்டகத்தில் தாளிசாதி சூரண மாத்திரை, ஆடாதோடை மணப்பாகு, அமுக்கரா சூரணம், பிரம்மானந்த பைரவ மாத்திரை, திப்பிலி ரசாயனம் ஆகிய மருந்துப் பொருள்கள் இருக்கும். காலை, மாலை வேளைகளில் கபசுரக் குடிநீா், நிலவேம்பு குடிநீா் வழங்கப்படும். அவ்வப்போது ஆக்ஸிஜன் அளவு பரிசோதனை செய்து ஆலோசனைகள் வழங்கப்படும்.

மேலும் ஆக்ஸிஜன் அளவை அதிகப்படுத்த கரோனா நோயாளிகளுக்கு கிராம்பு குடிநீா் வழங்கப்படும். கிராம்பு, ஓமம், மஞ்சள், மிளகு, இஞ்சி, அதிமதுரம் உள்ளிட்ட மூலிகை பொருள்களைச் சோ்த்து கசாயமாகக் காய்ச்சி 60 மில்லி அளவை 10 நிமிடத்திற்கு ஒருமுறை, இரு தடவை அருந்தினால் ஆக்ஸிஜன் அளவு அதிகரிக்கும். மேலும் பிராணயாம மூச்சு பயிற்சி மற்றும் லிங்க முத்திரை, நாத சுத்தி பயிற்சி ஆகிய பயிற்சிகள் கரோனா தொற்று உள்ள நோயாளிகளுக்கு வழங்கப்படும். இதன் மூலம் சுவாசப் பாதை சீராகி மூச்சு விட எளிதாக இருப்பதுடன் நுரையீரல் பலமடைந்து ஆக்சிஜன் அளவு அதிகரிக்கும்.

இந்நிகழ்ச்சியில் நாமக்கல் கோட்டாட்சியா் மு.கோட்டைகுமாா், நன்கொடையாளா் கே.ஆா்.என்.ராஜேஷ்குமாா், துணை இயக்குநா் (மருத்துவம்) சோமசுந்தரம், நகராட்சி ஆணையா் ஆ.குணசீலன், ஊராட்சி ஒன்றியக் குழுத்தலைவா் கே.பி.ஜெகநாதன், துணைத் தலைவா் சிவகுமாா், உறுப்பினா் ஏ.கே.பாலசந்திரன், செய்தி மக்கள் தொடா்பு அலுவலா் சி.சீனிவாசன், வட்டாட்சியா் ராஜேஷ்கண்ணா, சித்த மருத்துவா்கள் உள்பட பலா் கலந்து கொண்டனா்.