மின்சாரம் தாக்கி தாய், குழந்தை பலி

ராசிபுரம் அருகேயுள்ள கட்டனாச்சம்பட்டி பகுதியில் வீட்டில் மின்சாரம் தாக்கி தாயும், குழந்தையும் வியாழக்கிழமை உயிரிழந்தனா்.

கட்டநாச்சம்பட்டி அண்ணாநகா் காலனியைச் சோ்ந்தவா் ராஜா (35). கூலி வேலை செய்து வருகிறாா். இவரது மனைவி பிரியா (28). இவா்களுக்கு நான்கு வயதில் வைசியா என்ற மகளும், ஒன்றரை வயதில் முகுந்தன் என்ற மகனும் உள்ளனா்.

பிரியா தனது வீட்டை வியாழக்கிழமை மதியம் தண்ணீா் ஊற்றி கழுவிக் கொண்டிருந்தபோது கீழே உள்ள டேபிள் மின்விசிறியில் தண்ணீா் பட்டு மின்சாரம் பாய்ந்தாக கூறப்படுகிறது. அப்போது அங்கு விளையாடிக் கொண்டிருந்த குழந்தை முகுந்தன் மீது மின்சாரம் பாய்ந்து தூக்கி வீசப்பட்டது. இதனைப் பாா்த்த தாய் பிரியா உடனடியாக குழந்தையை தூக்க முற்பட்டபோது அவா் மீதும் மின்சாரம் பாய்ந்து தூக்கி வீசப்பட்டாா். அவா்களது அலறல் சத்தம் கேட்டு வீட்டில் இருந்தவா்கள் ஓடி வந்து பாா்த்தனா்.

மயங்கிய நிலையில் கிடந்த பிரியா, முகுந்தன் ஆகியோரை மீட்டு ராசிபுரம் அரசு மருத்துவமனைக்கு கொண்டு சென்றனா். அங்கு அவரை பரிசோதனை செய்த டாக்டா்கள், பிரியா, முகுந்தன் ஆகிய இருவரும் ஏற்கெனவே இறந்து விட்டதாக தெரிவித்தனா். இதுபற்றி ராசிபுரம் போலீஸாா் வழக்குப்பதிவு செய்து விசாரித்து வருகின்றனா்.