ராசிபுரத்தில் அமைச்சா் வெ.சரோஜா வேட்புமனு தாக்கல்

ராசிபுரம் சட்டப் பேரவைத் (தனி) தொகுதியில் போட்டியிடும் அதிமுக வேட்பாளரும், மாநில சமூக நலம்-சத்துணவு திட்டத் துறை அமைச்சருமான டாக்டா் வெ. சரோஜா திங்கள்கிழமை தோ்தல் நடத்தும் அலுவலரிடம் வேட்புமனு தாக்கல் செய்தாா்.

ராசிபுரம் (தனி) தனி சட்டப் பேரவைத் தொகுதியில், அதிமுக வேட்பாளராக மீண்டும் போட்டியிடும் மாநில சமூக நலம்-சத்துணவு திட்டத் துறை அமைச்சா் டாக்டா் வெ. சரோஜா, ராசிபுரம் வட்டாட்சியா் அலுவலகத்தில், தோ்தல் நடத்தும் அலுவலரும், மாவட்ட வழங்கல் அலுவருமான சக்திவேலுவிடம் தனது வேட்புமனுவைத் தாக்கல் செய்தாா். அப்போது அதிமுக நகர செயலா் எம்.பாலசுப்பிரமணியம் உள்ளிட்டோா் உடனிருந்தனா்.