பகுஜன் சமாஜ், நாம் தமிழா் கட்சி வேட்பாளா்கள் மனு தாக்கல்

நாமக்கல் தொகுதியில் பகுஜன் சமாஜ் கட்சி, நாம் தமிழா் கட்சி வேட்பாளா்கள் திங்கள்கிழமை வேட்புமனு தாக்கல் செய்தனா்.

நாமக்கல் தொகுதிக்கான வேட்புமனு தாக்கல் கோட்டாட்சியா் அலுவலகத்தில் 12-ஆம் தேதி முதல் நடைபெற்று வருகிறது. இந்த நிலையில் திங்கள்கிழமை அதிமுக வேட்பாளா் கே.பி.பி.பாஸ்கா் மனு தாக்கல் செய்தாா். அவரை தொடா்ந்து பகுஜன் சமாஜ் கட்சி வேட்பாளா் பி.ராமசாமி (56) வேட்புமனு தாக்கல் செய்தாா். நாம் தமிழா் கட்சி வேட்பாளா் பா. பாஸ்கா், இந்திய கண சங்கம் கட்சி வேட்பாளா் கே. கனகராஜ் ஆகியோரும் தொகுதி தோ்தல் நடத்தும் அலுவலா் மு.கோட்டைக்குமாரிடம் தங்களது வேட்பு மனுவை தாக்கல் செய்தனா்.