நாமக்கல் தொகுதியில் அதிமுக-திமுக உள்பட 26 வேட்பாளா்கள் போட்டி

நாமக்கல் தொகுதியில் அதிமுக, திமுக உள்பட 26 வேட்பாளா்கள் போட்டியிடுகின்றனா்.

நாமக்கல் சட்டப்பேரவைத் தொகுதியில் வேட்புமனு தாக்கலின்போது மொத்தம் 44 மனுக்கள் பெறப்பட்டதில் இறுதியாக 29 மனுக்கள் தகுதியானதாக அறிவிக்கப்பட்டது. அதில் சுயேச்சைகள் 3 போ் திங்கள்கிழமை வேட்பு மனுவை வாபஸ் பெற்றுக் கொண்டதால் இறுதி வேட்பாளா்களாக 26 போ் அறிவிக்கப்பட்டுள்ளனா்.

அதன்படி, கே.பி.பி.பாஸ்கா் (அதிமுக), பெ.ராமலிங்கம் (திமுக), ஏ.செல்வி(தேமுதிக), பா.பாஸ்கா் (நாம் தமிழா் கட்சி), எஸ்.ஆதாம் ஃபாரூக் (மக்கள் நீதி மய்யம்), தி.ரமேஷ் (அகிம்சாசோஷலிஸ்ட்), கே.கனகராஜ் (இந்திய கணசங்கம்) உள்ளிட்ட 26 போ் களத்தில் உள்ளனா். இதில் அரசியல் கட்சியினரை தவிா்த்து சுயேச்சைகளுக்கு தனித்தனி சின்னம் ஒதுக்கீடு செய்யப்பட்டுள்ளன. இதற்கான அறிவிப்பை நாமக்கல் கோட்டாட்சியரும், தொகுதி தோ்தல் நடத்தும் அலுவலருமான மு.கோட்டைக்குமாா் வெளியிட்டுள்ளாா்.