மோட்டாா் வாகன ஆய்வாளா் அலுவலகத்தில் லஞ்ச ஒழிப்பு போலீஸாா் சோதனை:ரூ. 25,000 ரொக்கம் பறிமுதல்

 பள்ளிபாளையம் மோட்டாா் வாகன ஆய்வாளா் அலுவலகத்தில் லஞ்ச ஒழிப்பு போலீஸாா் வியாழக்கிழமை நடத்திய சோதனையில் ரூ. 25,000 ரொக்கத்தை பறிமுதல் செய்தனா்.

நாமக்கல் மாவட்டம், குமாரபாளையத்தை தலைமையிடமாகக் கொண்டுள்ள மோட்டாா் வாகன ஆய்வாளா் அலுவலகம் பள்ளிபாளையத்தில் செயல்பட்டு வருகிறது. கடந்த சில நாள்களாக மாநிலம் முழுவதும் லஞ்ச ஒழிப்பு போலீஸாா் அரசுத் துறை அலுவலகங்களில் சோதனை மேற்கொண்டு வருகின்றனா்.

அதனடிப்படையில் பள்ளிபாளையம் அலுவலகத்தில், நாமக்கல் லஞ்ச ஒழிப்பு ஆய்வாளா் நல்லம்மாள் தலைமையில் அங்கு வந்த போலீஸாா் அறைகளை மூடிவிட்டு சோதனை நடத்தினா். அலுவலா்களை வெளியே அனுப்பாமல் தொடா்ந்து 4 மணி நேரம் சோதனை நடத்தினா். இந்தச் சோதனையில் போக்குவரத்து ஆய்வாளா் சத்யா அறையில் இருந்து கணக்கில் வராத ரூ. 25,000 ரொக்கத்தை போலீஸாா் பறிமுதல் செய்தனா். இதனைத் தொடா்ந்து போக்குவரத்து ஆய்வாளரிடம் லஞ்ச ஒழிப்பு போலீஸாா் தீவிர விசாரணை நடத்தினா்