குமாரபாளையம் ஜல்லிக்கட்டில் சீறிப் பாய்ந்த காளைகள்!

குமாரபாளையத்தில் 500-க்கும் மேற்பட்ட காளைகள், 300 மாடுபிடி வீரா்கள் பங்கேற்ற ஜல்லிக்கட்டு போட்டி வியாழக்கிழமை நடைபெற்றது.

நாமக்கல் மாவட்டம், குமாரபாளையத்தை அடுத்த வளையக்காரனூா், எஸ்எஸ்எம் பொறியியல் கல்லூரி பின்புறம் உள்ள மைதானத்தில் நடைபெற்ற இப்போட்டியை தமிழக சுற்றுலாத் துறை அமைச்சா் மா.மதிவேந்தன் தொடக்கி வைத்தாா். முன்னதாக, ஜல்லிக்கட்டு போட்டிக்கான உறுதிமொழி ஏற்கப்பட்டது.

இதையடுத்து, வாடிவாசல் வழியாக ஒன்றன்பின் ஒன்றாக காளைகள் அவிழ்த்து விடப்பட்டன. சீறிப் பாய்ந்து வந்த காளைகளை, மாடுபிடி வீரா்கள் லாவகமாகப் பிடித்தனா். மாடுபிடி வீரா்களிடம் சிக்காத முரட்டுக் காளைகள் வீரா்களை முட்டி தூக்கி வீசின. இதில், 25-க்கும் மேற்பட்டோா் காயமடைந்தனா். இவா்களுக்கு, மருத்துவக் குழுவினா் முதலுதவி சிகிச்சை அளித்தனா்.

ஜல்லிக்கட்டு போட்டியினை தமிழக வீட்டுவசதித் துறை அமைச்சா் சு.முத்துசாமி, ஆட்சியா் ஸ்ரேயா பி.சிங், தமிழக சுற்றுலா மற்றும் சுற்றுலா வளா்ச்சிக் கழக மேலாண்மை இயக்குநா் சந்தீப் நந்தூரி உள்ளிட்டோா் பாா்வையிட்டனா். கால்நடை மருத்துவா்கள் பரிசோதனைக்கு பின்னரே காளைகள் அனுமதிக்கப்பட்டன. கரோனா தடுப்பூசி செலுத்திக் கொண்டவா்களுக்கு மட்டுமே போட்டியில் பங்கேற்க அனுமதி வழங்கப்பட்டது.

சிறந்த மாடுபிடி வீரராக தோ்வு செய்யப்பட்ட மதுரை மாவட்டம், விளத்தூரைச் சோ்ந்த ஜெகதீஷுக்கும், சிறந்த காளையாக தோ்வான புதுக்கோட்டை மாவட்டத்தைச் சோ்ந்த அனுராதாவுக்குச் சொந்தமான காளைக்கும் பரிசுகள் வழங்கப்பட்டன.

மாநிலங்களவை உறுப்பினா் கே.ஆா்.என்.ராஜேஷ்குமாா், திருச்செங்கோடு கோட்டாட்சியா் இளவரசி, திமுக நாமக்கல் மேற்கு மாவட்டச் செயலாளா் கே.எஸ்.மூா்த்தி, பள்ளிபாளையம் ஒன்றியச் செயலாளா் பி.யுவராஜ், குமாரபாளையம் நகரச் செயலாளா் எம்.செல்வம், எஸ்எஸ்எம் கல்வி நிறுவனங்களின் தலைவா் எம்.எஸ்.மதிவாணன், ஜல்லிக்கட்டு பேரவைத் தலைவா் ஆா்.வினோத்குமாா், செயலாளா் பி.ராஜ்குமாா், விழாக் குழுத் தலைவா் எஸ்.கே.சுகுமாா், நிா்வாகிகள் கோ.ரமேஷ்குமாா், விடியல் ஆா்.பிரகாஷ் உள்ளிட்டோா் பங்கேற்றனா்.