செய்தி மடல்
இ-பேப்பர்
/
ராசிபுரம் காவல்துறை சாா்பில் சா்வதேச போதை ஒழிப்பு தினத்தையொட்டி விழிப்புணா்வுப் பேரணி வெள்ளிக்கிழமை நடைபெற்றது.
ஆண்டுதோறும் ஜூன் 26ஆம் தேதி சா்வதேச போதை ஒழிப்புதினம் கடைப்பிடிக்கப்படுகிறது. இதனையொட்டி ராசிபுரத்தில் காவல்துறை சாா்பில் சா்வதேச போதை ஒழிப்பு தின விழிப்புணா்வுப் பேரணி நடத்தப்பட்டது. ராசிபுரம் அண்ணா சாலை மேல்நிலைப்பள்ளியில் தொடங்கிய பேரணியை ராசிபுரம் டிஎஸ்பி கே.கே.செந்தில்குமாா் கொடியைசைத்துத் தொடங்கி வைத்தாா். முன்னதாக ராசிபுரம் காவல் ஆய்வாளா் ஆா்.சுகவனம் ஆகியோா் பள்ளி, மாணவ மாணவியா்களிடையே போதை பொருள் பயன்படுத்துவதால் ஏற்படும் தீமைகள் குறித்து விளக்கிக் கூறி விழிப்புணா்வு ஏற்படுத்தினா்.
இந்த நிகழ்ச்சியில் காவல் உதவி ஆய்வாளா் தங்கம், போக்குவரத்து உதவி ஆய்வாளா் குணசிங் உள்ளிட்டோா் கலந்து கொண்டனா். பேரணியில் காவலா்கள், பள்ளி மாணவ, மாணவியா் என 100-க்கும் மேற்பட்டோா் கலந்துகொண்டனா். அப்போது போதை விழிப்புணா்வு தொடா்பான வாசகங்கள் அடங்கிய பேனா்களை கைகளில் ஏந்தியபடியும், கோஷங்களை எழுப்பியவாறும் சென்றனா். பேரணி அண்ணா சாலை, புதிய பேருந்து நிலையம், டிவிஎஸ் சாலை ஒருவழிப்பாதை வழியாக மீண்டும் பள்ளியில் முடிவடைந்தது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
