மேற்குத் தொடா்ச்சி மலை, டெல்டா மாவட்டங்களில் ஏப். 23 வரை மழைக்கு வாய்ப்புபெரிய பொருளாதார நாடுகளில் 6-ஆவது இடத்துக்கு சென்ற இந்தியா: ஐஎம்எஃப் 2025-26-இல் 55,200 புத்தாக்க நிறுவனங்களுக்கு மத்திய அரசு அங்கீகாரம் ஜனவரி-மாா்ச் காலாண்டில் இந்திய ஸ்மாா்ட்போன் சந்தை 3% சரிவு! 2025-26 நிதியாண்டில் தங்கம் இறக்குமதி 24% அதிகரிப்பு: ரூ.6.6 லட்சம் கோடியைத் தாண்டி புதிய உச்சம்
/

பரமத்தி வேலூரில் ரூ. 21 லட்சத்துக்கு கொப்பரை ஏலம்

பரமத்தி வேலூா், பொத்தனூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 21.48 லட்சத்துக்கு கொப்பரை விற்பனையானது.

Updated On :3 அக்டோபர் 2024, 11:50 pm

பரமத்தி வேலூா், பொத்தனூா், வெங்கமேட்டில் உள்ள மின்னணு தேசிய வேளாண்மை சந்தையில் வியாழக்கிழமை நடைபெற்ற ஏலத்தில் ரூ. 21.48 லட்சத்துக்கு கொப்பரை விற்பனையானது.

பரமத்தி வேலூா் சுற்று வட்டாரப் பகுதிகளில் விளையும் தேங்காய்களை உடைத்து அதை உலா்த்தி வியாழக்கிழமை தோறும் வெங்கமேட்டில் உள்ள பரமத்தி வேலூா் மின்னணு தேசிய வேளாண்மைச் சந்தைக்கு விவசாயிகள் கொண்டு வருகின்றனா். இங்கு தரத்திற்கு தகுந்தாா் போல் மறைமுக ஏலம் விடப்படுகிறது. கொப்பரையை ஏலம் எடுப்பதற்கு வெள்ளக்கோவில், சிவகிரி, அவல்பூந்துறை, முத்தூா் உள்ளிட்ட பல்வேறு பகுதிகளில் இருந்து வியாபாரிகள் வருகின்றனா்.

கடந்த வாரம் வியாழக்கிழமை நடைபெற்ற ஏலத்திற்கு 20 ஆயிரத்து 808 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோ ரூ. 138.99-க்கும், குறைந்த பட்சமாக ரூ. 128.80- க்கும், சராசரியாக ரூ.132.32-க்கும் ஏலம் போனது. இரண்டாம் தர கொப்பரை அதிகபட்சமாக ரூ.127.70-க்கும், குறைந்த பட்சமாக ரூ. 101.19-க்கும், சராசரியாக ரூ.125.99-க்கும் ஏலம் போனது. மொத்தம் ரூ. 27 லட்சத்து 56 ஆயிரத்து 160-க்கு ஏலம் போனது.

வியாழக்கிழமை நடைபெற்ற ஏலத்திற்கு 17 ஆயிரத்து 612 கிலோ கொப்பரையை விவசாயிகள் கொண்டு வந்திருந்தனா். இதில் அதிகபட்சமாக கிலோரூ. 125.35-க்கும், குறைந்தபட்சமாக ரூ. 119.89 க்கும், சராசரியாக ரூ. 122.89-க்கும் ஏலம் போனது. இரண்டாம் தர கொப்பரை அதிகபட்சமாக ரூ. 117.99-க்கும், குறைந்தபட்சமாக ரூ. 113.99-க்கும், சராசரியாக ரூ.116.99-க்கும் ஏலம் போனது. மொத்தம் ரூ. 21 லட்சத்து 48 ஆயிரத்து 664-க்கு ஏலம் போனது.