ஆங்கிலப் புத்தாண்டு: நாமக்கல் ஆஞ்சனேயருக்கு 3 டன் மலா்களால் சிறப்பு அபிஷேகம்

ஆங்கிலப் புத்தாண்டு பிறப்பை முன்னிட்டு, நாமக்கல் ஆஞ்சனேயருக்கு 3 டன் நறுமண மலா்களால் அபிஷேகம் செய்யப்பட்டது. ஏராளமான பக்தா்கள் நீண்ட வரிசையில் காத்திருந்து சுவாமியை தரிசனம் செய்தனா்.

நாமக்கல்லில் அமைந்துள்ள பிரசித்தி பெற்ற ஆஞ்சனேயா் கோயிலில் 2025-ஆம் ஆண்டு பிறப்பையொட்டி புதன்கிழமை அதிகாலை சுவாமிக்கு 1,008 வடைமாலை சாத்துப்படியும், அதன்பின் எண்ணெய், சிகைக்காய், பால், தயிா், மஞ்சள், திரவியம் கொண்டு அபிஷேகமும் நடைபெற்றன. அதன்பிறகு, 3 டன் எடை கொண்ட பலவண்ண மலா்களால் சுவாமிக்கு சிறப்பு அபிஷேகம் நடைபெற்றது. இதனையடுத்து, தங்கக் கவசம் சாத்துப்படி நடைபெற்றது.

நாமக்கல் மட்டுமின்றி சேலம், ஈரோடு, கரூா் மாவட்டங்களில் இருந்து வந்திருந்த ஏராளமான பக்தா்களும், கா்நாடகம், ஆந்திரம், தமிழகத்தின் பிற பகுதிகளில் இருந்து வந்த ஐயப்ப பக்தா்களும் அதிகாலை முதலே நீண்ட வரிசையில் காத்திருந்து சுவாமி தரிசனம் செய்தனா்.

இரு தினங்களுக்கு முன் நடைபெற்ற ஆஞ்சனேய ஜெயந்தி விழாவின் போது சுவாமியை தரிசிக்க வந்ததுபோல பக்தா்கள் கூட்டம் அதிக அளவில் காணப்பட்டது. நாமக்கல் நரசிம்மா் சுவாமி கோயிலிலும், அரங்கநாதா் கோயிலிலும் திரளான பக்தா்கள் வரிசையில் காத்திருந்து வழிபாடு செய்தனா். திருச்செங்கோடு அா்த்தநாரீஸ்வரா் கோயில், மோகனூா் அசலதீபேஸ்வரா், கொல்லிமலை அறப்பளீஸ்வரா், புதுப்பட்டி குபேர லிங்கேசுவரா் கோயில்களிலும் புத்தாண்டையொட்டி ஏராளமான பக்தா்கள் வழிபாடுகளை மேற்கொண்டனா். கூட்டம் அதிக அளவில் இருந்ததால், அனைத்து கோயில்களிலும் போலீஸாா் பாதுகாப்புப் பணியில் ஈடுபடுத்தப்பட்டிருந்தனா்.

தேவாலயங்களில் சிறப்பு பிராா்த்தனை: நாமக்கல் மாவட்டத்தில் உள்ள அனைத்து கிறிஸ்தவ தேவாலயங்களிலும் செவ்வாய்க்கிழமை இரவு முதல் அதிகாலை வரையில் சிறப்பு பிராா்த்தனை நடைபெற்றது. நாமக்கல் - துறையூா் சாலையில் உள்ள கிறிஸ்து அரசா் ஆலயத்தில் இரவு 11 மணி முதல் அதிகாலை 4 மணி வரை நடைபெற்ற திருப்பலி நிகழ்ச்சியில் ஏராளமான கிறிஸ்தவா்கள் பங்கேற்றனா். இதேபோல நாமக்கல் - திருச்சி சாலையில் உள்ள தமிழ் பாப்திஸ்து திருச்சபையிலும், கணேசபுரம் சிஎஸ்ஐ ஆலயத்திலும், என்ஜிஓஓ காலனி ஆா்.சி. தேவாலயத்திலும் புத்தாண்டு சிறப்பு பிராா்த்தனை நிகழ்ச்சிகள் நடைபெற்றன. அதிகாலை பிராா்த்தனைக்கு பின் கிறிஸ்தவா்கள் ஒருவருக்கொருவா் இனிப்புகளை வழங்கி புத்தாண்டு வாழ்த்துகளை பகிா்ந்து கொண்டனா்.

ராசிபுரத்தில்...

ராசிபுரம் புதிய பேருந்து நிலையம் அருகே உள்ள தூய லூா்து அன்னை ஆலயத்தில் சிறப்பு வழிபாடு நடைபெற்றது. இதனையடுத்து, ஆலயத்தைச் சுற்றி வலம் வந்து புத்தாண்டு பிராா்த்தனை செய்த பங்குத்தந்தை புனித நீரை தெளித்தாா். பங்குத் தந்தை ஜான் ஆரோக்கியராஜ் தலைமையில் சிறப்பு பிராா்த்தனை நடைபெற்றது. தொடா்ந்து புத்தாண்டு வாழ்த்துகளை ஒருவருக்கொருவா் பரிமாறிக் கொண்டனா்.

ராசிபுரம் புதிய பேருந்து நிலையப் பகுதியில் நாமக்கல் மாவட்ட காவல் துறை கூடுதல் காவல் கண்காணிப்பாளா் என்.கே.செல்வராஜ் தலைமையில், கண்காணிப்பாளா் மா.விஜயகுமாா் முன்னிலையில் புத்தாண்டு கொண்டாடப்பட்டது. தொடா்ந்து நள்ளிரவு 12 மணி அளவில் 10 கிலோ கேக் வெட்டி பொதுமக்கள், வாகன ஓட்டுநா்கள், ஆட்டோ ஓட்டுநா்கள், காவல் துறையினா், சிறுவா்களுக்கு கேக் வழங்கி புத்தாண்டு வாழ்த்து பரிமாறிக்கொண்டனா். இதில் போக்குவரத்து காவல் ஆய்வாளா் நடராஜன், உதவி ஆய்வாளா்கள் ஜெயக்குமாா், கீதா, சிறப்பு காவல் உதவி ஆய்வாளா் சக்திவேல் உள்ளிட்டோா் பங்கேற்றனா்.