ஏப். 16-இல் நாமக்கல்லில் முதல்வா் மு.க. ஸ்டாலின் பிரசாரம்: ராஜேஸ்குமாா் எம்.பி. தகவல்

நாமக்கல்லில் திமுக சாா்பில் போட்டியிடும் வேட்பாளா்களை ஆதரித்து தமிழக முதல்வா் மு.க. ஸ்டாலின் வியாழக்கிழமை (ஏப்.16) மாலை 5 மணி அளவில் பிரசாரம் மேற்கொள்கிறாா்.

நாமக்கல் - சேலம் தேசிய நெடுஞ்சாலை பொம்மைக்குட்டைமேட்டில், பொதுக்கூட்டம் நடைபெறும் இடத்தை ஞாயிற்றுக்கிழமை பாா்வையிட்ட பிறகு, நாமக்கல் கிழக்கு மாவட்ட திமுக செயலாளரும், மாநிலங்களவை உறுப்பினருமான கே.ஆா். என்.ராஜேஸ்குமாா் செய்தியாளா்களிடம் கூறியதாவது:

திமுக தலைமையிலான மதச்சாா்பற்ற முற்போக்கு கூட்டணி சாா்பில் போட்டியிடும் நாமக்கல், ராசிபுரம்,சேந்தமங்கலம், திருச்செங்கோடு, பரமத்தி வேலூா், குமாரபாளையம் ஆகிய தொகுதிகளின் வேட்பாளா்கள் மற்றும் கூட்டணிக் கட்சி வேட்பாளா்களை ஆதரித்து வியாழக்கிழமை மாலை

5 மணியளவில் நாமக்கல் பொம்மைக்குட்டைமேட்டில் நடைபெறும் பிரசாரக் கூட்டத்தில் கலந்துகொண்டு முதல்வா் பேசுகிறாா்.

திமுக நிா்வாகிகள்,பொதுமக்கள், கூட்டணிக் கட்சிகளைச் சாா்ந்தோா் அனைவரும் இதில் தவறாமல் பங்கேற்க வேண்டும். கடந்த 2021 தோ்தலில் மாவட்டத்தில் மூன்று தொகுதிகளை திமுக கூட்டணி கைப்பற்றியது. கடந்த ஐந்து ஆண்டுகளில் பல்வேறு திட்டங்கள் நாமக்கல் மாவட்டத்தில் செயல்படுத்தப்பட்டுள்ளன என்றாா்.

இந்த நிகழ்வின்போது, நாமக்கல் சட்டப்பேரவை உறுப்பினா் பெ.ராமலிங்கம், கிழக்கு நகரச் செயலாளா் செ.பூபதி, புதுச்சத்திரம் வடக்கு ஒன்றியச் செயலாளா் எம்பி.கௌதம், தெற்கு ஒன்றியப் பொறுப்பாளா் ஆா்.ஜெயப்பிரகாஷ் மற்றும் நிா்வாகிகள் கலந்துகொண்டனா்.