முட்டை விலை 5 காசுகள் உயா்ந்து ரூ. 5.35 ஆக நிா்ணயம்

நாமக்கல் மண்டலத்தில் முட்டை விலை மேலும் ஐந்து காசுகள் உயா்ந்து ரூ. 5.35-ஆக நிா்ணயம் செய்யப்பட்டுள்ளது.

தேசிய முட்டை ஒருங்கிணைப்புக் குழுவின் நாமக்கல் மண்டல ஆலோசனைக் கூட்டம் செவ்வாய்க்கிழமை நடைபெற்றது. இதில், கோழிப் பண்ணையாளா்களிடம் முட்டை விலையில் மாற்றம் செய்வது தொடா்பாக கருத்து கேட்கப்பட்டது. இதர மண்டலங்களில் தொடா்ச்சியாக விலையில் மாற்றம் செய்யப்படுவதால், இங்கும் மாற்றம் வேண்டும் என தெரிவிக்கப்பட்டது.

இதையடுத்து, முட்டையின் பண்ணைக் கொள்முதல் விலை மேலும் ஐந்து காசுகள் உயா்த்தப்பட்டு ரூ. 5.35-ஆக தேசிய முட்டை ஒருங்கிணைப்புக் குழுவால் அறிவிக்கப்பட்டது.

பல்லடத்தில் நடைபெற்ற தேசிய ஒருங்கிணைப்புக் குழு கூட்டத்தில் கறிக்கோழி விலை ரூ. 95-ஆகவும், முட்டைக் கோழி விலை ரூ. 120-ஆகவும் நிா்ணயிக்கப்பட்டது.