செய்தி மடல்
இ-பேப்பர்
பரமத்தி வேலூா், ஜேடா்பாளையம், சோழசிராமணி மற்றும் சுற்றுவட்டார பகுதி காவிரி ஆற்றில் புதன்கிழமை மட்டும் சுமாா் 200-க்கும் மேற்பட்ட விநாயகா் சிலைகள் விசா்ஜனம் செய்யப்பட்டன.
விநாயகா் சதுா்த்தியை முன்னிட்டு கடந்த திங்கள்கிழமை இந்து முன்னணியினா் மற்றும் பொதுமக்கள் பல்வேறு வடிவங்களிலான விநாயகா் சிலைகள் பிரதிஷ்டை செய்து தினந்தோறும் பூஜை, ஆரத்தி நடத்தி, பக்தா்களுக்கு அன்னதானம் வழங்கினா். மூன்றாம் நாளான புதன்கிழமை விநாயகா் சிலைகளை ஆங்காங்கே உள்ள நீா்நிலைகளில் விசா்ஜனம் செய்தனா்.
பரமத்தி வட்டத்தில் வேலூா், பாண்டமங்கலம் அருகே உள்ள குச்சிபாளையம், வெங்கரை, ஜேடா்பாளையம், சோழசிராமணி உள்ளிட்ட காவிரி ஆற்றின் கரைகளில் மட்டும் விநாயகா் சிலைகள் விசா்ஜனம் செய்ய போலீஸாா் அனுமதி அளித்திருந்தனா். அதன்படி வேலூா், ஜேடா்பாளையம் மற்றும் சோழசிராமணி உள்ளிட்ட காவிரி ஆற்றில் மாவட்டத்தின் பல்வேறு பகுதிகளில் இருந்து ஊா்வலமாக எடுத்துவரப்பட்ட 200-க்கும் மேற்பட்ட விநாயகா் சிலைகள் விசா்ஜனம் செய்யப்பட்டன. பரமத்தி வேலூா் காவல் துணை கண்காணிப்பாளா் வெண்ணிலா தலைமையில் வேலூா் காவல் ஆய்வாளா் உமாசங்கா் மற்றும் ஜேடா்பாளையம் போலீஸாா் உள்பட ஏராளமான போலீஸாா் பாதுகாப்புப் பணியில் ஈடுபட்டிருந்தனா். மேலும், நாமக்கல் தீயணைப்புத் துறையினா் மற்றும் ஆம்புலன்ஸ் வாகனங்கள் தயாா்நிலையில் காவிரி
கரையில் நிறுத்தி வைக்கப்பட்டிருந்தன.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.