நுகர்வோர் குறை தீர்க்கும் முகாம்

சங்ககிரி வட்ட வழங்கல் துறை சார்பில் நுகர்வோர் குறைதீர்க்கும் முகாம் சங்ககிரி அருகே உள்ள ஒலக்கசின்னானூர் கிராமத்தில் அண்மையில் நடைபெற்றது.

வட்ட வழங்கல் துறை அலுவலர் ஜி.பாலகிருஷ்ணன் தலைமை வகித்து பொதுமக்கள் கடைகளில் பொருள்கள் வாங்கும் போது கடைப்பிடிக்க வேண்டிய விதிமுறைகள் குறித்து விளக்கிக் கூறினார். பின்னர், அவரிடம் பொதுமக்கள் குடும்ப அட்டையில் பெயர் நீக்கம், சேர்த்தல், முகவரி மாற்றம் உள்ளிட்டவைகள் குறித்து 20 மனுக்களை வழங்கினர். மனுக்களைப் பெற்ற அவர் அந்த முகாமிலேயே அதற்கான உத்தரவை வழங்கினார்.

ஒலக்கசின்னானூர் கிராம நிர்வாக அலுவலர் ஜெயந்தி, ஊர்பொதுமக்கள் உள்பட பலர் இதில் கலந்து கொண்டனர்.