விவசாயிகள் பயிர்க் காப்பீட்டு திட்டத்தில் சேர அழைப்பு

தலைவாசல் வட்டாரத்தில் விவசாயிகள் பயிர்க் காப்பீட்டுத் திட்டத்தில் சேர வட்டார வேளாண்மை உதவி இயக்குநர் இரா.ரவிச்சந்திரன் புதன்கிழமை அழைப்பு விடுத்துள்ளார்.
தலைவாசல் வட்டார விவசாயிகள் பயிர்க் காப்பீட்டுத் திட்டத்தில் சேர தலைவாசல் வட்டார வேளாண்மை உதவி இயக்குநர் இரா.ரவிச்சந்திரன் அழைப்பு விடுத்துள்ளார். காரீப் பருவத்தில் சாகுபடி செய்யும் மக்காச்சோளத்திற்கு ஒரு ஏக்கருக்கு பிரீமியம் ரூ.464, பருத்தி பயிருக்கு ரூ.607  செலுத்த ஆகஸ்ட் மாதம் 16-ஆம் தேதி கடைசி நாளாகும்.
 எனவே விவசாயிகள் அனைவரும் கணினி சிட்டா, பட்டா அடங்கல், ஆதார் அட்டை மற்றும் வங்கி கணக்குகளோடு தலைவாசல் வட்டார வேளாண்மை உதவி இயக்குநர் அலுவலகத்தை அணுக வேண்டும் என கேட்டுக் கொண்டார்.