மரத்திலிருந்து தவறி விழுந்த தொழிலாளி உயிரிழப்பு

எடப்பாடி அருகே தென்னை மரத்தில் இருந்து தவறிவிழுந்த தொழிலாளி உயிரிழந்தார். 
எடப்பாடியை அடுத்த வெள்ளரிவெள்ளி கிராமம், தோப்புகாடு பகுதியைச் சேர்ந்தவர் நாச்சிமுத்து மகன் கணேசன் (55). மரம் ஏறும் கூலித்தொழிலாளி.
இவர் செவ்வாய்க்கிழமை மாலை அங்குள்ள காசிக்காடு பகுதியில் தனியாருக்குச் சொந்தமான தோட்டத்தில் தேங்காய்ப் பறிக்கும் பணியில் ஈடுபட்டிருந்தார். அப்போது எதிர்பாராதவிதமாக தென்னை மரத்திலிருந்து  கணேசன் தவறி விழுந்தார். இதில் பலத்த காயமடைந்த அவரை  அருகில் இருந்தவர்கள்  மீட்டு அரசு மருத்துவமனையில் சேர்த்தனர். அங்கு தீவிர சிகிச்சை பிரிவில்  சிகிச்சை பெற்றுவந்த கணேசன் உயிரிழந்தார். இது குறித்து போலீஸார் வழக்குப் பதிவு செய்து விசாரணை மேற்கொண்டு வருகின்றனர்.