மகிளா காங்கிரஸார் கண்டன ஆர்ப்பாட்டம்

ஆத்தூரில் அத்தியாவசிய பொருள்களின் விலை உயர்வைக் கண்டித்து சேலம் கிழக்கு மாவட்ட மகிளா காங்கிரஸ் சார்பில் புதன்கிழமை கண்டன ஆர்ப்பாட்டம் நடைபெற்றது.
 ஆத்தூர் கடைவீதி அஞ்சல் நிலையம் முன் சேலம் கிழக்கு மாவட்ட மகிளா காங்கிரஸ் பொறுப்பாளர் மகாலட்சுமி தலைமையில் சமையல் எரிவாயு, பெட்ரோல், டீசல் விலை உயர்வால் அத்தியாவசிய பொருள்களின் விலை ஏற்றத்தால் பொதுமக்கள் மிகவும் பாதிக்கப்படுகின்றனர். இதனைக் கண்டித்து மத்திய, மாநில அரசைக் கண்டித்து கண்டன ஆர்ப்பாட்டம் நடைபெற்றது. சேலம் கிழக்கு மாவட்ட காங்கிரஸ் கமிட்டித் தலைவர் எஸ்.கே.அர்த்தனாரி முன்னிலையில் நடைபெற்ற ஆர்ப்பாட்டத்தில் நரசிங்கபுரம் முன்னாள் நகர்மன்றத் தலைவர் எஸ்.சக்ரவர்த்தி, மாவட்ட பொதுச்செயலர் ஜி.பாஸ்கர், நகர காங்கிரஸ் கமிட்டி தலைவர் எல்.முருகேசன், மாவட்டச் செயலர் வி.குமார், நரசிங்கபுரம் நகரத் தலைவர் ஜோதிபாசு, முன்னாள் மாவட்ட தலைவர் தர்மலிங்கம் உள்ளிட்ட ஏராளமான நிர்வாகிகள் கலந்துகொண்டனர்.