கொளத்தூரில் கூட்டுறவு சங்கத் தேர்தல்

கொளத்தூரில் உள்ள ஊராட்சி ஒன்றிய பணியாளர்கள் மற்றும் ஆசிரியர்கள் கூட்டுறவு சிக்கன  நாணய சங்கத் தேர்தலில் 18 பேர் போட்டியிடுகின்றனர்.
கொளத்தூரில் உள்ள ஊராட்சி ஒன்றிய பணியாளர்கள் மற்றும் ஆசிரியர்கள் கூட்டுறவு சிக்கன,  நாணய சங்கத்தில்  261 உறுப்பினர்கள் உள்ளனர். இந்த சங்கத்தில் 7 இயக்குநர்கள் தேர்வு செய்யப்பட வேண்டும். முதல் நாளில் 25 பேர் வேட்பு மனு தாக்கல் செய்தனர். இதில் ஒருவரது வேட்புமனு தள்ளுபடி செய்யப்பட்டது. மீதமுள்ள  24 வேட்பு மனுக்களில் 6  பேர் மனுவை வாபஸ் பெற்றனர். இதையடுத்து 18 பேர் இறுதி வேட்பாளர் பட்டியலில் இடம் பெற்றுள்ளனர். இந்த சங்கத்துக்கான தேர்தல் ஏப்ரல் 2-ஆம் தேதி நடைபெறும் என்று தேர்தல் அலுவலர் ரங்கசாமி அறிவித்துள்ளார்.