விபத்தில்லா தீபாவளி கொண்டாட அறிவுறுத்தல்

கெங்கவல்லி அருகே கடம்பூர் அரசு தொடக்கப் பள்ளியில் விபத்தில்லாமல்,  பாதுகாப்பான முறையில் தீபாவளி கொண்டாட  மாணவர்களுக்கு  அறிவுரை வழங்கப்பட்டது.
பட்டாசுகளை பெற்றோர் துணையுடன் வெடிக்க வேண்டும். பட்டாசுகளை கையில் வைத்தோ அல்லது உடலுக்கு அருகில் வைத்தோ வெடிக்கக் கூடாது. தொலைவில் வைத்து பாதுகாப்பான முறையில் பட்டாசுகளை வெடிக்க வேண்டும்.பட்டாசுகளை வெடிக்கும்போது அருகில் ஒரு வாளியில் தண்ணீர் வைத்துக் கொள்ள வேண்டும் என்று அறிவுரை வழங்கப்பட்டது.