ஏற்காடுக்கு 7 தண்ணீர் லாரிகள் அனுப்பி வைப்பு

ஏற்காடு மலைப் பாதையில் ஏற்பட்ட காட்டுத் தீ இரண்டாவது நாளாகவும் எரிவதால் ஞாயிற்றுக்கிழமை பிற்பகல் 12 மணி முதல் மலைப்பாதை மூடப்பட்டு வாகனங்கள் செல்ல அனுமதி மறுக்கப்பட்டது.
ஏற்காட்டில் போக்குவரத்து வாகனங்கள் அரசுப் பேருந்துகள் இருசக்கர வாகங்கள் அனைத்தும் ஏற்காடு கொட்டச்சேடு குப்பனூர் மாற்றுப் பாதையில்  அனுப்பப்பட்டு வருகின்றன.
அப் பகுதியில் போக்குவரத்து நெரிசல் ஏற்பட்டு வந்ததால் பேருந்துகள் பல மணி நேரம் தாமதமாக வந்து செல்கின்றன.
சங்ககிரியில்... ஏற்காடு மலைப்பாதையையொட்டியுள்ள வனப் பகுதிகளில் ஏற்பட்டுள்ள தீயை அணைக்க சங்ககிரி வருவாய்த் துறையின் சார்பில் ஞாயிற்றுக்கிழமை இரவு 7 லாரிகளில் தண்ணீர் அனுப்பி வைக்கப்பட்டன. சங்ககிரி வருவாய் உட்கோட்ட பகுதிகளில் இருந்து வருவாய்க் கோட்டாட்சியர் மு. அமிர்தலிங்கம் தலைமையில் வருவாய்த் துறையினர் சங்ககிரி, கொங்கணாபுரம் பகுதிகளில் இருந்து 7 லாரிகளில் ஞாயிற்றுக்கிழமை இரவு தண்ணீரை அனுப்பி வைத்தனர்.