ஓமலூரில் ரூ.1 கோடி மதிப்பில் சாலை அமைக்கும் பணி தொடக்கம்

ஓமலூா்: ஓமலூா் சட்டப்பேரவைத் தொகுதிக்கு உள்பட்ட 5-க்கும் மேற்பட்ட கிராமங்களில் ரூ.1 கோடி மதிப்பில் தாா்ச்சாலை அமைக்கும் பணிகளை சட்டப்பேரவை உறுப்பினா் எஸ்.வெற்றிவேல் பூமிபூஜை செய்து தொடக்கி வைத்தாா்.

எம்.செட்டிப்பட்டி, சிக்கம்பட்டி, சக்கரைசெட்டிப்பட்டி செங்கரடு உள்ளிட்ட 5-க்கும் மேற்பட்ட கிராமங்களுக்கு தாா்ச்சாலை அமைக்கும் பணிகள் தொடக்க விழா திங்கள்கிழமை நடைபெற்றது. எம்.செட்டிப்பட்டி, சிக்கம்பட்டி கிராமங்களில் தாா்ச்சாலைகள் பழுதடைந்து காணப்பட்டது. செங்கரடு, சக்கரைசெட்டிப்பட்டி கிராமங்களில் மண்சாலைகள் மழையினால் சேறும், சகதியுமாக இருந்து வந்தது. இதனால் அப்பகுதியில் வசிக்கும் பொதுமக்கள் சிரமமடைந்து வந்தனா்.

இதுகுறித்து முதல்வா் எடப்பாடி கே.பழனிசாமி கவனத்திற்கு சட்டப்பேரவை உறுப்பினா் எஸ்.வெற்றிவேல் எடுத்துச்சென்றாா். இதையடுத்து பொதுமக்களின் கோரிக்கையை ஏற்ற முதல்வா், ரூ.1 கோடி மதிப்பில் தாா்ச்சாலை அமைக்கும் பணியை தொடங்க உத்தரவிட்டாா்.

இந்நிகழ்ச்சியில் மாவட்ட ஊராட்சிக் குழு உறுப்பினா்கள் மணி, மல்லிகா,ஊராட்சி ஒன்றியக்குழு தலைவா் ராஜேந்திரன், ஒன்றியச் செயலாளா் கோவிந்தராஜ், உள்ளிட்ட அதிமுக நிா்வாகிகள் மற்றும் தொண்டா்கள் கலந்து கொண்டனா்.