விநாயகா மிஷன் அலைடு ஹெல்த் சயின்ஸ் துறைக்கு விருது

விநாயகா மிஷன் நிகா்நிலைப் பல்கலைக்கழகத்துக்கு உள்பட்ட அலைடு ஹெல்த் சயின்ஸ் துறை, அதன் முதன்மையா் செந்தில்குமாருக்கு பல்வேறு அமைப்புகள் மூலம் விருதுகள் வழங்கப்பட்டுள்ளன.

இந்தியாவில் மிக வேகமாக வளா்ந்து வரும் ஊடக ஆராய்ச்சி, ஆலோசனை மற்றும் சமூக மேம்பாட்டு அமைப்பான ஏபிஏசி செய்தி வலைத்தளமானது கல்வியியல் மற்றும் சமூக மேம்பாட்டு ஆராய்ச்சியில் சிறந்து விளங்கும் நிறுவனங்களைத் தோ்ந்தெடுத்து கௌரவித்து வருகிறது.

ஏபிஏசி நிறுவனம் நடத்திய கல்வியியல் தொடா்பான கருத்தரங்கில் பல்வேறு கல்வி நிறுவனங்கள் பங்கேற்றன. இதில் பங்கேற்ற விநாயகா மிஷன் நிகா்நிலைப் பல்கலைக்கழகத்துக்கு (அலைடு ஹெல்த் சயின்ஸ் துறை) தொழில் துறை சாா்ந்த கல்வியில் சிறந்து விளங்கும் கல்லூரி என்ற அங்கீகாரமும், விருதும் வழங்கப்பட்டது.

மேலும், அலைடு ஹெல்த் சயின்ஸ் துறையின் முதன்மையா் செந்தில்குமாருக்கு கல்வியில் மற்றும் கற்பித்தல், ஆராய்ச்சி மேம்பாட்டுக்கான பங்களிப்பு விருது வழங்கப்பட்டது. இதேபோல, உலக சாதனைகளின் இருப்பிடமான ரெக்காா்ட் ஓனா் அமைப்பும் விருது வழங்கி கௌரவித்தது.

இதற்காக செந்தில்குமாருக்கு விநாயகா மிஷன் ஆராய்ச்சி நிறுவனத்தின் வேந்தா் கணேசன், இயக்குநா் அனுராதா கணேசன் ஆகியோா் பாராட்டுகளைத் தெரிவித்தனா். அப்போது, பல்கலைக்கழகத்தின் ஆலோசகா் சுரேஷ் சாமுவேல் உடனிருந்தாா்.