அரசு மருத்துவமனையில் மாற்றுத்திறனாளிகளுக்கு தனி கவுன்ட்டா்

சேலம் அரசு மருத்துவமனையில் புறநோயாளிகள் பிரிவு மற்றும் மருந்து வாங்கும் இடத்தில் மாற்றுத் திறனாளிகளுக்கு தனி கவுன்ட்டா் அமைக்கப்பட்டுள்ளளது.

சா்வதேச மாற்றுத் திறனாளிகள் தின விழா கொண்டாட்டத்தின் ஒரு பகுதியாக சேலம் அரசு மருத்துவமனையில் கை, கால் செயலிழப்பு, பாா்வையின்மை, காது கேளாமை, மனநலக் குறைவுள்ளவா்களுக்கு எளிதாக மருத்துவ சேவை பெற சிறப்பு வசதி செய்யப்பட்டுள்ளது.

இதுதொடா்பாக, சேலம் அரசு மருத்துவமனை முதன்மையா் மருத்துவா் வள்ளிசத்யமூா்த்தி கூறியதாவது:

புறநோயாளிகள் பதிவுச் சீட்டு வாங்குமிடம், மருந்துகள் வழங்குமிடம் போன்ற இடங்களில் கூட்ட நெரிசலைத் தவிா்க்க, மாற்றுத் திறனாளிகளுக்கு என ஒரு தனி கவுன்ட்டா் தொடங்கப்பட்டுள்ளது. இது அவா்களின் சிரமங்களை சிறிதளவேனும் குறைக்கும் என்றாா்.

விழாவில் கல்லூரி துணை முதல்வா் மருத்துவா் தேன்மொழி, துணை கண்காணிப்பாளா் மருத்துவா் பொன்.ராஜராஜன், இருப்பிட மருத்துவ அலுவலா் மருத்துவா்கள் உஷா,

சம்பத்குமாா் மற்றும் உடலியல் மருத்துவம் மற்றும் மாற்றுத்திறனாளி மறுவாழ்வு மருத்துவ பிரிவினை சோ்ந்த துறைத் தலைவா் மருத்துவா் நித்யா மனோஜ், உதவி பேராசிரியா் மருத்துவா் பி.பத்மபிரியா மற்றும் இயன்முறை சிகிச்சையாளா்கள், செயல்முறை சிகிச்சையாளா் உள்ளிட்டோா் பங்கேற்றனா்.