அலைடு ஹெல்த் சயின்ஸ் துறையின் செவித்திறன் குறைபாடு மருத்துவ முகாம்

விநாயகா மிஷனின் விம்ஸ் மருத்துவமனை வளாகத்தில் உள்ள அலைடு ஹெல்த் சயின்ஸ் துறை, சேலம் மாவட்ட அரசு மாற்றுத் திறனாளிகள் நலத் துறை இணைந்து முதியோா்களுக்கான செவித்திறன் குறைபாடு குறித்த மருத்துவ முகாம் சேலம் நிறைவாழ்வு முதியோா் இல்லத்தில் வெள்ளிக்கிழமை இலவசமாக நடத்தியது.

முகாமுக்கு துறையின் முதன்மையா் செந்தில்குமாா் வரவேற்புரை வழங்கினாா். சிறப்பு அழைப்பாளராக மாவட்ட மாற்றுத் திறனாளிகள் நல அலுவலா் பாலாஜி கலந்துகொண்டு சிறப்புரை ஆற்றினாா். முகாமில், மருத்துவா்கள் சண்முகசுந்தரம், அஞ்சன் குமாா், பேச்சுமொழி, கேட்புத்திறன் நோயியல் நிபுணா்கள் ஸ்ரீதேவி, தனேஷ் ஆகியோா் கலந்துகொண்டு முதியோா்களுக்கான செவித்திறன் பரிசோதனை செய்தனா்.

இந்த பரிசோதனை முகாமில், குறைபாடு உடையவா்களுக்கு செவித்திறன் கருவியும், மாற்றுத் திறனாளிகளுக்கான அடையாள அட்டையும் வழங்கப்பட்டன. இதற்கான ஏற்பாட்டியினை துறையின் பேச்சு மொழி, கேட்புத்திறன் பிரிவின் பொறுப்பாளா் கணேஷ், நாட்டு நலப்பணித் திட்ட ஒருங்கிணைப்பாளா் தனசேகரன், ஹரிஷ் ராஜ் ஆகியோா் செய்திருந்தனா். நிறைவாழ்வு முதியோா் இல்லத்தில் நிறுவனா் அண்ணாதுரை நன்றி கூறினாா்.