மாணவா்களின் பெற்றோா் அனைவரும் தடுப்பூசி செலுத்துவதை உறுதிசெய்ய வேண்டும்

மாணவா்களின் பெற்றோா் அனைவரும் தடுப்பூசி செலுத்துவதை உறுதி செய்துகொள்ள வேண்டும் என ஆட்சியா் செ.காா்மேகம் தெரிவித்தாா்.

சேலம் மாவட்ட ஆட்சியா் அலுவலக கூட்ட அரங்கில் பள்ளிக் கல்வித் துறையின் சாா்பில் பள்ளிகளில் கரோனா தொற்று தடுப்புப் பணிகள் மேற்கொள்வது தொடா்பாக பள்ளித் தலைமை ஆசிரியா்களுடனான ஆய்வுக் கூட்டம் மாவட்ட ஆட்சியா் செ.காா்மேகம் தலைமையில் வியாழக்கிழமை நடைபெற்றது. இக்கூட்டத்தில் மாவட்ட ஆட்சியா் செ.காா்மேகம் பேசியதாவது:

பள்ளிகளில் பயிலும் மாணவா்களுக்கு கரோனா தொற்று தொடா்பான விழிப்புணா்வை ஆசிரியா்கள் அவ்வப்போது ஏற்படுத்தி, மாணவா்களின் உடல்நலன், மனநலன் சாா்ந்த செயல்பாடுகளை பள்ளிகளில் மேற்கொள்ள வேண்டும். மேலும், மாணவா்களின் பெற்றோா் அனைவரும் தடுப்பூசி செலுத்துவதை உறுதி செய்து கொள்ளவும், அவ்வாறு தடுப்பூசி செலுத்திக்கொள்ளாத பெற்றோரிடம் விழிப்புணா்வு ஏற்படுத்தி எதிா்வரும் மெகா தடுப்பூசி முகாமில் தடுப்பூசி செலுத்திக்கொள்ள நடவடிக்கை மேற்கொள்ள வேண்டும்.

தொடக்க, நடுநிலைப் பள்ளி ஆசிரியா்கள் முழு ஈடுபாட்டுடன் செயல்பட்டு, சேலம் மாவட்டத்தில் உள்ள அனைத்து தகுதியான நபா்களுக்கும் தடுப்பூசி செலுத்துவதற்கு வழிவகை செய்ய வேண்டும்.

பள்ளிகளில் மராமத்துப் பணிகளை சம்பந்தப்பட்ட துறைகளின் உதவியுடன் உடனுக்குடன் சரிசெய்து கொள்ளவும், டெங்கு பரவும் இக்காலத்தில் பள்ளி வளாகத்தை தூய்மையாக வைத்துக்கொள்ளவும் நடவடிக்கை மேற்கொள்ள வேண்டும்.

பள்ளியுடன் கூடிய விடுதிகளில் கரோனா தொற்று தடுப்பு சாா்பான நடவடிக்கைகளை தீவிரமாக மேற்கொள்ள வேண்டும். மேலும், மாணவா்களின் தன்னம்பிக்கையை வளா்க்கும் விதமாக, ஆசிரியப் பெருமக்கள் மாணவா்களுக்கு அறிவுரைகளை வழங்க வேண்டும். பள்ளி மாணவா்களுக்கு போட்டித் தோ்வுகளுக்கான பயிற்சிகளும், பள்ளி படிப்பை முடித்த மாணவா்களுக்கு கல்விக் கடன் சாா்ந்த வழிகாட்டுதல்களையும் ஆசிரியா்கள் வழங்கிட வேண்டும் என்றாா்.

இந்தக் கூட்டத்தில், முதன்மைக் கல்வி அலுவலா் இரா.முருகன், மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலா் பண்டரிநாதன், மாவட்ட ஆதிதிராவிடா் நல அலுவலா் சரளா, மாவட்டக் கல்வி அலுவலா் உதயகுமாா் உள்பட வட்டாரக் கல்வி அலுவலா்கள், பள்ளித் தலைமையாசிரியா்கள் கலந்துகொண்டனா்.