பிரதீப் ரங்கநாதனின் எல்ஐகே வெளியீட்டுத் தேதி!

நடிகர் பிரதீப் ரங்கநாதன் நாயகனாக நடித்துள்ள “எல்ஐகே” திரைப்படத்தின் வெளியீட்டுத் தேதி அறிவிக்கப்பட்டுள்ளது.

நடிகர் பிரதீப் ரங்கநாதன் - இயக்குநர் விக்னேஷ் சிவன் கூட்டணியில் உருவான “எல்ஐகே” திரைப்படம் கடந்த 2025 அக்டோபர் வெளியீடாகத் திரைக்கு வருமென அறிவிக்கப்பட்டு பின்னர் ஒத்திவைக்கப்பட்டது.

இசையமைப்பாளர் அனிருத் இசையில் உருவாகியுள்ள இந்தப் படத்தில், நடிகர்கள் எஸ்ஜே சூர்யா, யோகி பாபு, கிருத்தி ஷெட்டி, சீமான், ஷாரா, கௌரி கிஷன், மாளவிகா ஆகியோர் நடித்துள்ளனர்.

இந்த நிலையில், எல்ஐகே திரைப்படம் வரும் ஏப்ரல் 3 அன்று திரையரங்குகளில் வெளியாகும் என படக்குழு புதன்கிழமை (மார்ச் 18) அறிவித்துள்ளது.

முன்னதாக, நடிகர் பிரதீப் ரங்கநாதன் நாயகனாக நடித்து வெளியான “லவ் டுடே”, “டிராகன்” மற்றும் டியூட் போன்ற திரைப்படங்கள் ரூ.100 கோடிக்கும் மேல் வசூலித்து மாபெரும் வெற்றியடைந்தது குறிப்பிடத்தக்கது.