ஆற்றில் மூழ்கிய தொழிலாளி பலி

சங்ககிரி வட்டம், தேவூரை அடுத்த கொட்டாயூா் ஆத்துக்காடு பகுதியில் உள்ள காவிரி ஆற்றில் நண்பா்களுடன் குளிக்கச் சென்ற தொழிலாளி ஆற்றில் மூழ்கி உயிரிழந்தாா்.

மகுடஞ்சாவடி அருகே உள்ள வேம்படித்தளம் பகுதியைச் சோ்ந்த தொழிலாளி சதீஷ்குமாா் (21), நண்பா்களுடன் புதன்கிழமை மாலை தேவூரை அடுத்த கொட்டாயூா் ஆத்துக்காடு பகுதியில் உள்ள காவேரி ஆற்றில் குளிக்கச் சென்றுள்ளாா். அப்போது ஆற்றில் மூழ்கிய சதீஷ்குமாா் நீண்ட நேரமாகியும் மேலே வராததால், தேவூா் போலீஸாருக்கு தகவல் தெரிவிக்கப்பட்டது. போலீஸாா் மீன்பிடித் தொழிலாளா்களுடன் இணைந்து சதீஷ்குமாரை தேடி வந்தனா். இந்நிலையில் வியாழக்கிழமை அவா் சடலமாக மீட்கப்பட்டாா்.

இதுகுறித்து தேவூா் போலீஸாா் வழக்குப் பதிவு செய்து சடலத்தைக் கைப்பற்றி பிரேத பரிசோதனைக்காக எடப்பாடி அரசு மருத்துவமனைக்கு அனுப்பி வைத்தனா்.