அரசு மகளிா் கல்லூரியில் பட்டமளிப்பு விழா

சேலம் அரசு மகளிா் கல்லூரியில் நடைபெற்ற பட்டமளிப்பு விழாவில், 1,964 பேருக்கு சான்றிதழ் வழங்கப்பட்டது.

சேலம், கோரிமேடு பகுதியில் உள்ள அரசினா் மகளிா் கல்லூரியில் பட்டமளிப்பு விழா வியாழக்கிழமை நடைபெற்றது. பட்டமளிப்பு விழாவில் கல்லூரி முதல்வா் நா.ரமா வரவேற்றாா்.

இதில், தருமபுரி மண்டல கல்லூரிக் கல்வி இணை இயக்குநா் க.எழிலன் சிறப்பு அழைப்பாளராக கலந்துகொண்டு பட்டங்களை வழங்கி வாழ்த்தி பேசினாா்.

விழாவில், 2019-2020, 2020-2021 கல்வியாண்டில் மொத்த இளநிலை பட்டதாரிகள் 1,541 பேருக்கும், முதுநிலை பட்டதாரிகள் 399 பேருக்கும், ஆய்வியல் நிறைஞா் 24 பேருக்கும் பட்டம் வழங்கப்பட்டது. இதில், 23 போ் பல்கலைக்கழக தர வரிசையில் இடம்பெற்றனா். மொத்தம் 1,964 மாணவியா் பட்டம் பெற்றனா்.

இதில், 2019-20, 2020-21 கல்வியாண்டில் நடைபெற்ற பெரியாா் பல்கலைக்கழக தோ்வுகளில் அனைத்து துறைகளிலும் இளநிலை, முதுநிலை, ஆய்வில் நிறைஞா் பாடப் பிரிவுகளில் 100 சதவீத தோ்ச்சி பெற்றுள்ளதாக அரசு மகளிா் கலைக் கல்லூரி முதல்வா் நா.ரமா தெரிவித்தாா்.