பேருந்து நிலையத்தில் தவித்த மாற்றுத்திறனாளி உறவினா்களிடம் ஒப்படைப்பு

ஆத்தூா் பேருந்து நிலையத்தில் தவித்த மாற்றுத்திறனாளிப் பெண் மீட்கப்பட்டு, உறவினா்களிடம் புதன்கிழமை ஒப்படைக்கப்பட்டாா்.

சேலம் மாவட்டம், ஆத்தூா் பேருந்து நிலையத்தில் ஆதரவற்று சிக்கித் தவித்த கால்கள் செயலழந்த நிலையில் வாய் பேச முடியாமல் மாற்றுத்திறனாளி பெண் ஒருவா் தவித்து வருவதாக ஆத்தூா் வட்டாட்சியா் மாணிக்கத்திற்கு தகவல் கிடைத்தது.ஆதலால் விரைந்து சென்ற வட்டாட்சியா் அந்தப் பெண்ணை மீட்டு மஞ்சினியில் உள்ள ஒரு முதியோா் காப்பகத்தில் ஒப்படைத்து மேலும் அந்தப் பெண்ணை பற்றி தீவிர விசாரணையில் இறங்கினாா்.

அப்போது பேருந்தில் அவரது மகளோடு கேரளா செல்வதற்கு சேலம் பேருந்தில் சென்ற போது அவரது மகள் கீழே கடைக்கு சென்ற போது பேருந்தின் ஓட்டுனா் அந்தப் பெண்ணை இறக்கிவிட்டதாகவும்,அந்த மகள் சேலம் வரை சென்று தாயை தேடி வந்ததால் அந்த பெண்ணிடம் மாற்றுத்திறனாளி தாயை வட்டாட்சியா் ஒப்படைத்தாா்.சிறிது நேரத்தில் மாற்றுத்திறனாளி பெண்ணை உறவினா்களிடம் ஒப்படைத்தது பொதுமக்களிடையே மிகுந்த வரவேற்பை பெற்றாா்.

படவிளக்கம்.ஏடி20தாசில்தாா். ஆத்தூா் பேருந்து நிலையத்தில் தவித்த மாற்றுத்திறனாளிப் பெண்ணை விசாரணை மேற்கொண்ட வட்டாட்சியா் மாணிக்கம் உள்ளிட்ட வருவாய்துறை அலுவலா்கள்.