சேலம் விம்ஸ் மருத்துவமனையின் மருத்துவா்கள் சாதனை

விபத்தில் காயமடைந்த பெண்ணுக்கு மூளை அறுவைசிகிசிச்சை செய்து சேலம் விம்ஸ் மருத்துவமனையில் மருத்துவா்கள் சாதனை புரிந்துள்ளனா்.

தமிழக முதல்வரின் இன்னுயிா் காப்போம் நம்மைக் காப்போம் 48 திட்டம் இம்மருத்துவமனையில் தொடங்கி வைக்கப்பட்டது.

சேலம் விம்ஸ் மருத்துவமனையின் மருத்துவ இயக்குனா் மீனாட்சி சுந்தரம் இதுகுறித்து கூறியதாவது:

இத்திட்டத்தின்கீழ் இதுவரை பத்திற்கும் மேற்பட்ட நோயாளிகள் பயனடைந்து உள்ளனா். இத்திட்டத்தின் மூலம் ஒரு நோயாளிக்கு உடனடியாக தலையில் அறுவை சிகிச்சை செய்யப்பட்டு உயிா் காப்பாற்றப்பட்டுள்ளது. 38 வயதுள்ள பெண்மணி சாலை விபத்தில் அடிபட்டு மருத்துவமனைக்கு சுயநினைவின்றி கோமா நிலையில் கொண்டுவரப்பட்டாா். அவசர சிகிச்சை மற்றும் கிரிட்டிக்கல் கோ் மருத்துவ நிபுணா் அசோக் அவருக்கு ஸ்கேன் செய்து பாா்த்ததில் மிகப்பெரிய ரத்தக் கட்டி இருப்பது கண்டுபிடிக்கப்பட்டது. மேலும், அவருக்கு உடனடியாக மூளை அறுவை சிகிச்சை செய்ய வேண்டும் என்று மருத்துவா்கள் கூறினா். மேலும் மூளை ரத்தநாள அறுவை சிகிச்சை நிபுணா் கௌதம் தலைமையிலான மருத்துவக் குழு அரைமணி நேரத்திற்குள் அறுவைசிகிச்சை செய்ததால் நோயாளி சுயநினைவுக்கு வந்தாா். பின் முழுவதுமாக பக்கவாதத்தில் இருந்து குணமடைந்தாா்.

தமிழக அரசின் இன்னுயிா் காப்போம் திட்டத்தின் மூலம் நோயாளிக்கு கட்டணமில்லா மூளை அறுவைசிகிச்சை வெற்றிகரமாக செய்யப்பட்டது. சேலம் விம்ஸ் மருத்துவமனையில் அனைத்து மருத்துவ வல்லுனா்கள் உள்ளதாலும் மிகவும் சிக்கலான மூளை அறுவை சிகிச்சை செய்து உயிா் பிழைத்து முழுவதும் பக்கவாதம் சரிசெய்யப்பட்டு முழு நலத்துடன் வீட்டிற்கு அனுப்பி வைக்கப்பட்டாா். அப்போது நிா்வாக மேலாளா் கோபு மற்றும் மாா்க்கெட்டிங் மேலாளா் அருள்மணி உடன் இருந்தனா் .