சேலம் வழியாக மைசூரு - காரைக்குடி இடையே சிறப்பு ரயில்

சேலம்: சேலம், நாமக்கல், கரூா் வழியே மைசூரு - காரைக்குடி இடையே வரும் 14, 17-ஆம் தேதிகளில் சிறப்பு ரயில் இயக்கப்படும் என அறிவிக்கப்பட்டுள்ளது.

இதுகுறித்து தெற்கு ரயில்வே சேலம் கோட்டம் சாா்பில் வெளியிடப்பட்ட செய்திக் குறிப்பு;

மைசூரு - காரைக்குடி இடையே வரும் 14, 17-ஆம் தேதிகளில் சிறப்பு ரயில் இயக்கப்படுகிறது. மைசூரில் இரவு 9.30 மணிக்கு புறப்படும் இந்த ரயில், மாண்டியா, பெங்களூரு, கிருஷ்ணராஜபுரம், பங்காருபேட்டை, குப்பம், சேலம், நாமக்கல், கரூா் வழியாக காரைக்குடிக்கு மதியம் 12.45 மணிக்கு சென்றடையும்.

மறுமாா்க்கத்தில், காரைக்குடி - மைசூரு சிறப்பு ரயில் வரும் 15, 18-ஆம் தேதிகளில் இயக்கப்படுகிறது. காரைக்குடியில் இரவு 7 மணிக்கு புறப்படும் இந்த ரயில், நாமக்கல், சேலம், குப்பம், பங்காருபேட்டை பெங்களூரு வழியாக மைசூருக்கு அடுத்த நாள் காலை 9.10 மணிக்கு சென்றடையும். இந்த சிறப்பு ரயிலுக்கான பயணச்சீட்டு முன்பதிவு தொடங்கியுள்ளது. இதனை பயணிகள் பயன்படுத்திக்கொள்ள வேண்டும் என கேட்டுக்கொள்ளப்பட்டுள்ளது.