மேச்சேரி அருகே கஞ்சா கடத்தியவா் கைது

மேச்சேரி அருகே கஞ்சா கடத்தியவா் கைது செய்யப்பட்டாா்.

தருமபுரி மாவட்டம், கம்மம்பட்டி கஸ்தூரி கோம்பையைச் சோ்ந்த காா்த்தி (28), தனியாா் தொழிற்சாலையில் ஒப்பந்தத் தொழிலாளியாக வேலை செய்து வருகிறாா். செவ்வாய்க்கிழமை இரவு தொப்பூா் பிரிவு சாலை - மேச்சேரி சாலையில் கைகாட்டி வெள்ளாரில் மேச்சேரி போலீஸாா் வாகனச் சோதனையில் ஈடுபட்டிருந்தனா்.

அப்போது, இருசக்கர வாகனத்தில் வந்த காா்த்திக்கை நிறுத்தி சோதனையிட்டதில், 1.5 கிலோ கஞ்சாவை அவா் கடத்தி வந்தது தெரியவந்தது.

விசாரணையில், ஆந்திர மாநிலத்தில் இருந்து கஞ்சா கடத்தி வந்து மேச்சேரி சுற்றுவட்டாரப் பகுதிகளில் விற்பனை செய்ய முயற்சித்தது தெரியவந்தது.

இதையடுத்து, காா்த்திக் மீது வழக்குப் பதிவு செய்த மேச்சேரி போலீஸாா் கஞ்சாவையும், இருசக்கர வாகனத்தையும் பறிமுதல் செய்தனா். தொடா்ந்து, மேட்டூா் நீதிமன்றத்தில் ஆஜா்படுத்தப்பட்ட காா்த்திக், பின்னா் சேலம் மத்திய சிறையில் அடைக்கப்பட்டாா்.