மக்களவைத் தொகுதிகளை 850-ஆக உயா்த்தும் சட்டத் திருத்த மசோதா: நாடாளுமன்றத்தில் நாளை அறிமுகம்மேற்காசிய பதற்றத்தால் இந்தியாவில் 25 லட்சம் போ் வறுமையில் தள்ளப்படும் அபாயம்: ஐ.நா. அறிக்கையில் தகவல்பிகாா் முதல்வராக பாஜகவின் சாம்ராட் செளதரி இன்று பதவியேற்புபெட்ரோல் விலையில் ரூ.18, டீசல் ரூ.35 எண்ணெய் நிறுவனங்களுக்கு இழப்புவாக்குப்பதிவு இயந்திரங்களில் சின்னம் பொருத்தும் பணி நாளை தொடக்கம்ரஷிய கச்சா எண்ணெய் இறக்குமதி: மாா்ச் மாதத்தில் மூன்று மடங்கு உயா்வுசமையல் எண்ணெய் இறக்குமதி 12% அதிகரிப்புபிரதமா் மோடி இன்று கா்நாடகம் வருகைசென்னையில் இன்று பள்ளிகளுக்கு விடுமுறைஐபிஎல் : சென்னை சூப்பர் கிங்ஸ் 32 ரன்கள் வித்தியாசத்தில் வெற்றி
/

திமுக கூட்டணி வேட்பாளா்களை ஆதரித்து சேலத்தில் இன்று முதல்வா் மு.க.ஸ்டாலின் பிரசாரம்

சேலத்தில் முதல்வா் மு.க.ஸ்டாலின் புதன்கிழமை (ஏப்.15) தோ்தல் பிரசாரம் மேற்கொள்கிறாா்.

News image
Updated On :14 ஏப்ரல் 2026, 9:33 pm

சேலத்தில் முதல்வா் மு.க.ஸ்டாலின் புதன்கிழமை (ஏப்.15) தோ்தல் பிரசாரம் மேற்கொள்கிறாா்.

இதுகுறித்து ஒருங்கிணைந்த சேலம் மாவட்ட திமுக சாா்பில் வெளியிட்டுள்ள அறிக்கையில் கூறியிருப்பதாவது:

மகளிா் உரிமைத் திட்டம், விடியல் பயணம், புதுமைப்பெண் திட்டம், மகளிா் சுயஉதவிக் குழு திட்டங்கள், காலை உணவுத் திட்டம், தோழி விடுதி என உலக நாடுகளே வியந்து பாா்க்கும் உன்னத திட்டங்களை செயல்படுத்திய முதல்வா் மு.க.ஸ்டாலின் புதன்கிழமை மாலை 4 மணி அளவில் சேலம் மாவட்டத்துக்கு வருகை தரவுள்ளாா்.

இதையொட்டி, மகளிா் கலந்துகொள்ளும் பேரணி அண்ணா பூங்கா வளாகத்தில் அமைந்துள்ள கலைஞா் சிலையிலிருந்து தொடங்கி கோட்டை மைதானம் வரை நடைபெறவுள்ளது. இப்பேரணியில் மக்கள் நீதி மய்யத்தின் தலைவா் கமல்ஹாசன், தேமுதிக பொதுச் செயலாளா் பிரேமலதா விஜயகாந்த் ஆகியோா் கலந்துகொள்கின்றனா். தொடா்ந்து, கோட்டை மைதானத்தில் நடைபெறும் தோ்தல் பிரசார பொதுக்கூட்டத்தில், மாவட்டத்தில் உள்ள 11 சட்டப்பேரவைத் தொகுதிகளில் போட்டியிடும் மதச்சாா்பற்ற முற்போக்கு கூட்டணி வேட்பாளா்களை ஆதரித்து முதல்வா் மு.க.ஸ்டாலின் பேசுகிறாா்.

எனவே, மகளிா் பேரணி மற்றும் தோ்தல் பிரசார பொதுக்கூட்டத்தில் சேலம் மத்திய மாவட்ட திமுக சாா்பில் நிா்வாகிகள், தொண்டா்கள் பெருந்திரளாக கலந்துகொள்ள வேண்டும் எனக் கேட்டுக் கொண்டுள்ளாா்.