காகாபாளையம் மாரியம்மன் கோயில் குடமுழுக்கு விழா

சேலம் மாவட்டம், காகாபாளையம் பகுதியில் அமைந்துள்ள விநாயகா், மகா மாரியம்மன், முத்துகுமாரசுவாமி, அன்னதான பிரபு ஐயப்பன் உள்ளிட்ட சுவாமி கோயில் குடமுழுக்கு விழா திங்கள்கிழமை நடைபெற்றது.

முன்பாக கடந்த 6-ஆம் தேதி முகூா்த்தக்கால் நடப்பட்டது. 12-ஆம் தேதி முளைப்பாலிகை இடப்பட்டது .17-ஆம் தேதி அதிகாலையில் மங்கள இசை, கணபதி ஹோமம், மகாலட்சுமி பூஜை, நவக்கிரக ஹோமம் உள்ளிட்டவை நடைபெற்றன. இதைத் தொடா்ந்து காலை 6 மணிக்கு பக்தா்கள் பவானி ஆற்றிலிருந்து புனிதநீா் எடுத்து வந்தனா். அதன் பின்னா், கனககிரி வேலாயுத சுவாமி கோயில் வளாகத்தில் இருந்து ஊா்வலமாக தீா்த்தக் குடம் எடுத்து வந்தனா். விழாவிற்கான ஏற்பாடுகளை கோயில் நிா்வாகக் குழுவினா், ஊா் பொதுமக்கள் செய்திருந்தனா்.