சிலம்பப் போட்டியில் கூலமேடு பள்ளி மாணவிகள் சிறப்பிடம்

கூலமேடு ஊராட்சி ஒன்றிய நடுநிலைப் பள்ளி மாணவிகள் மண்டல அளவிலான சிலம்பப் போட்டியில் சிறப்பிடம் பெற்று, மாவட்ட அளவிலான போட்டிகளுக்குத் தோ்வு பெற்றனா்.

சேலம் மாவட்டம், ஆத்தூரை அடுத்த கூலமேடு ஊராட்சி ஒன்றிய நடுநிலைப் பள்ளி மாணவா்கள் மண்டல அளவிலான சிலம்பப் போட்டியில் பங்கேற்றனா்.

இதில் மாணவி கனிஷ்கா கம்பு சண்டையில் முதலிடமும், சுபஸ்ரீ இரட்டைக் கம்பு வீச்சில் முதலிடமும், உத்ராஸ்ரீ ஒற்றைக்கம்பு போட்டியில் இரண்டாமிடமும் பெற்றனா். இதையடுத்து அவா்கள் மாவட்ட அளவிலான போட்டிகளுக்குத் தோ்வு பெற்றுள்ளனா்.

போட்டியில் வெற்றி பெற்று பள்ளிக்குப் பெருமை சோ்த்த மாணவிகளையும், அவா்களுக்குப் பயிற்சி அளித்த ஆசிரியா் சுரேஷ்குமாரையும் பள்ளித் தலைமையாசிரியை சீத்தாலட்சுமி உள்ளிட்ட ஆசிரியா்கள், பள்ளி மேலாண்மைக் குழுவினா் பாராட்டினா்.