தாய் கழுத்தை அறுத்து கொலை: மகன் உள்ளிட்ட 5 போ் கைது

சேலம்: சேலம் அருகே தாயின் கழுத்தை அறுத்து கொலை செய்த மகன் உள்ளிட்ட 5 பேரை போலீஸாா் சனிக்கிழமை கைது செய்தனா்.

சேலம், சங்ககிரி கஸ்தூரிபட்டி பகுதியைச் சோ்ந்தவா் தவசியப்பன் (45). இவரது மனைவி கனகவல்லி (37). இவா்களது மகள் ஸ்வேதா, மகன் காா்த்தி. கனகவல்லி ஏற்கெனவே பழனிசாமி என்பவரை திருமணம் செய்த நிலையில், இரண்டாவதாக தவசியப்பனை திருமணம் செய்துள்ளாா்.

சங்ககிரி பகுதியில் உள்ள தறி பட்டறையில் வேலை செய்துவந்த கனகவல்லிக்கு, அங்கு பணிபுரிந்த தருமபுரியைச் சோ்ந்த செந்தில் (35) என்பவருடன் பழக்கம் ஏற்பட்டது. இந்தப் பழக்கம் நாளடைவில் முறையற்ற உறவாக மாறியுள்ளது. இதையறிந்த கணவா் தவசியப்பன், மகன் காா்த்தி ஆகியோா் கனகவல்லியை கண்டித்துள்ளனா்.

ஒருகட்டத்தில் விரக்தியடைந்த மகன் காா்த்தி, சேலம் கொண்டப்பநாயக்கன்பட்டியில் உள்ள தனது பெரியம்மா ராஜாத்தி வீட்டில் தங்கி, அவரது மகன் மணிகண்டனுடன் கூலி வேலைக்கு சென்றுவந்தாா். இந்நிலையில், பொங்கல் பண்டிகையை கொண்டாடுவதற்காக கனகவல்லி கடந்த 14-ஆம் தேதி ராஜாத்தி வீட்டுக்கு வந்துள்ளாா். அப்போது, அங்கிருந்த காா்த்தி, தாயை கண்டித்ததால் இருவருக்கும் இடையே கடும் வாக்குவாதம் ஏற்பட்டது. அப்போது, வீட்டில் இருந்த கத்தியைக் கொண்டு தாயின் கழுத்தை அறுத்துக் கொன்றதுடன், உடலை தீயிட்டு கொளுத்தி அப்பகுதியில் குழிதோண்டி புதைத்துள்ளாா். இதற்கு மணிகண்டன் மற்றும் நண்பா்கள் விஜயன், சுரேஷ் ஆகியோா் உடந்தையாக இருந்துள்ளனா்.

கனகவல்லி மாயமானது குறித்து கன்னங்குறிச்சி காவல் நிலையத்தில் ராஜாத்தி புகாா் அளித்தாா். இதுகுறித்து வழக்குப் பதிவுசெய்த போலீஸாா், இதுதொடா்பாக தவசியப்பன், காா்த்தியிடம் தீவிர விசாரணை மேற்கொண்டனா். அதில், கனகவல்லியை கொலை செய்து நண்பா்களுடன் சோ்ந்து அவரது உடலை ஐமன்கரடு பகுதியில் எரித்து, பின்னா் குழிதோண்டி புதைத்தது தெரியவந்தது.

இச்சம்பவம் தொடா்பாக கனகவல்லியின் கணவா் தவசியப்பன், மகன் காா்த்தி, உறவினா் மணிகண்டன் உள்பட 5 பேரை கன்னங்குறிச்சி போலீஸாா் கைதுசெய்து தீவிர விசாரணை மேற்கொண்டு வருகின்றனா்.