சேலத்தில் 2 கிலோ கஞ்சா பறிமுதல்: 4 போ் கைது

சேலம் முள்ளுவாடி கேட் பகுதியில் ரோந்துப் பணியின் போது 2 கிலோ கஞ்சாவை பறிமுதல் செய்த போலீஸாா், இது தொடா்பாக 4 பேரை புதன்கிழமை கைது செய்தனா்.

சேலம் முள்ளுவாடி கேட் மேம்பாலம் பகுதியில் நகரப் போலீஸாா் புதன்கிழமை மாலை ரோந்துப் பணியில் ஈடுபட்டிருந்தனா். அப்போது, அங்கு சந்தேகப்படும்படியாக நின்று கொண்டிருந்த 4 பேரை பிடித்து விசாரணை செய்தனா். அவா்கள் முன்னுக்குபின் முரணாக பேசியதால், அவா்கள் வைத்திருந்த பையை சோதனை செய்தனா். அதில், வலி நிவாரண மாத்திரைகளும், கஞ்சாவும் இருப்பது தெரியவந்தது.

தொடா் விசாரணையில், போதைக்காக வலி நிவாரண மாத்திரைகளையும், கஞ்சாவையும் வாங்கி விற்பனை செய்ய வைத்திருந்தது தெரியவந்தது. இதையடுத்து, ரிஷிகேஷ் (23), விக்கி (எ) விக்னேஷ் (25), ஈஸ்வரன் (26), ஆனந்தகுமாா் (22) ஆகிய 4 பேரை கைது செய்த போலீஸாா், அவா்களிடமிருந்து 112 வலி நிவாரண மாத்திரைகளையும், 2 கிலோ 250 கிராம் கஞ்சாவையும் பறிமுதல் செய்தனா்.