கராத்தே: வெற்றிபெற்றவர்களுக்கு பாராட்டு

ராமநாதபுரம்,அக். 8: சென்னையில் நடைபெற்ற மாநில அளவிலான கராத்தே போட்டியில் வெற்றிபெற்ற ராமநாதபுரம் ஏ.வி.எம்.எஸ். மெட்ரிக் பள்ளி மாணவர்களுக்கு பாராட்டுச் சான்றிதழ் வழங்கும் விழா சனிக்கிழமை நடைபெற்றது.

 விழாவுக்கு, ராமநாதபுரம் ஆயிரவைசிய மகாஜன சபையின் தலைவர் அ. வேணுகோபாலன் தலைமையும்,பள்ளிச் செயலாளர் டி.ரெத்தினசாமி முன்னிலையும் வகித்து, இருவரும் மாநில அளவில் கராத்தே போட்டியில் வெற்றி பெற்றவர்களுக்கு பாராட்டுச் சான்றிதழை வழங்கிப் பேசினர். பள்ளி முதல்வர் கே.மாதவி வரவேற்றார்.

 மாநில அளவில் பரிசு பெற்ற மாணவர்கள் விவரம்:

 சண்டைப்பிரிவு- டி.கோகுலவேல்,எம்.அஜித்குமார் (முதல் பரிசு) கே.சிரஞ்சீவி,ஸ்ரீகுமரன்(2வது பரிசு)

 ஏ.முகம்மது பாசில் (3வது பரிசு), கட்டா பிரிவில் எம். தாரிக்குல் ரகுமான் (2வது பரிசு), எம். கிஷோர் (3வது பரிசு) நவீன் என்ற மாணவர் இருபிரிவிலும் வயது அடிப்படையில் முதல்பரிசையும் பெற்று மொத்தம் 8 பேர் பள்ளிக்கும்,மாவட்டத்துக்கும் பெருமை சேர்த்தமைக்காக பாராட்டு விழா நடந்தது.

 விழாவில் பள்ளியின் கல்விக்குழு உறுப்பினர்கள்,துணை முதல்வர்கள்,ஆசிரியர்கள்,அலுவலக ஊழியர்கள் உள்பட பலரும் கலந்து கொண்டனர்.